آریان خان کی ڈیبیو ویب سیریز میں متعدد بالی وڈ اسٹار نظر آئیں گے

جمعہ 8 مارچ 2024 11:10

ممبئی(اُردو پوائنٹ اخبارتازہ ترین - این این آئی۔ 08 مارچ2024ء) بالی وڈ کنگ شاہ رخ خان کے بیٹے آریان کی ڈیبیو ویب سیریز میں بالی وڈ کے متعدد اسٹار نظر آئیں گے۔بھارتی میڈیا کے مطابق نیٹ فلکس سیریز ’اسٹارڈم‘ میں کرن جوہر، بوبی دیول، رنبیرکپور اور رنویر سنگھ بھی خصوصی انٹری دیں گے۔

(جاری ہے)

ذرائع کے مطابق شاہ رخ خان ویب سیریز میں خصوصی جھلک دینا چاہتے ہیں لیکن آریان خان اس کیلئے راضی نہیں ہیں اور وہ والد کے نام کے بغیر ہی یہ کام کرنا چاہتے ہیں۔ویب سیریز کی کہانی ایسے نوجوان فنکاروں کے گرد گھومتی ہیں جنہیں انڈسٹری میں شہرت حاصل کرنے کیلئے مختلف مشکلات کا سامنا کرنا پڑتا ہے۔’اسٹارڈم‘ میں لکشیا لالوانی اور اداکارہ مونا سنگھ مرکزی کردار ادا کرتے نظر آئیں گے۔