چین، روس اور ایران کی خلیج عمان میں مشترکہ بحری مشقیں جاری

جمعرات 14 مارچ 2024 09:50

ٹوکیو (اُردو پوائنٹ اخبارتازہ ترین - اے پی پی۔ 14 مارچ2024ء) چین، روس اور ایران کی خلیج عمان میں مشترکہ بحری مشقیں جاری ہیں جو جمعے تک جاری رہیں گی۔ این ایچ کے، نے چینی وزارت دفاع کے حوالے سے بتایا کہ چین نے ان مشقوں کے لیے گائیڈڈ میزائل سے لیس جنگی جہاز سمیت تین بحری جہاز روانہ کیے ہیں۔

(جاری ہے)

روس کی وزارت دفاع نےکہا ہےکہ تینوں ممالک کی بحریہ کے 20 سے زائد جہازوں نے ان مشقوں میں حصہ لیا ،روسی افواج کی قیادت کروزر جنگی جہاز کر رہا ہے۔ ایرانی افواج نے ایک فریگیٹ سمیت 10 سے زائد جہاز روانہ کیے ہیں۔ مشقوں میں بحری قزاقی کا مقابلہ کرنے کے ساتھ ساتھ امدادی کارروائیاں بھی شامل ہیں۔