وزیراعظم اوروزیراعلی خیبر پختونخواہ کی ملاقات درست سمت میں ایک قدم ہے‘ سعد رفیق

ایک دوسرے کو نیچا دکھانے کے کھیل میں ریاست کی نبض ڈوب رہی ہے ‘ سینئر لیگی رہنما

جمعرات 14 مارچ 2024 13:55

وزیراعظم اوروزیراعلی خیبر پختونخواہ کی ملاقات درست سمت میں ایک قدم ..

لاہور(اُردو پوائنٹ اخبارتازہ ترین - این این آئی۔ 14 مارچ2024ء) پاکستان مسلم لیگ (ن) کے سینئر رہنما خواجہ سعد رفیق نے کہا ہے کہ وزیر اعظم پاکستان اور وزیر اعلی خیبر پختونخواہ کی ملاقات درست سمت میں ایک قدم ہے۔ایکس پر جاری اپنے بیان میںانہوں نے کہا کہ ایک دوسرے کو نیچا دکھانے کے کھیل میں ریاست کی نبض ڈوب رہی ہے ۔

(جاری ہے)

اس نفرت آمیز کھیل کو پیپلز پارٹی اور مسلم لیگ (ن)تقریباً دفن کر چکی تھیں لیکن بانی چیئرمین پی ٹی آئی نے حصول اقتدار کیلئے یہی ناجائز راستہ اپنایا، خود بھی پھنسے ، ریاست اور سیاسی برادری کو بھی پھنسا دیا۔ انہوںنے کہا کہ ایک دوسرے کو تسلیم کرنا ہی پڑے گا ،ریاستی معاملات پرمخالف سیاستدانوں کا مکالمہ جاری رہنا چاہیے۔