فیض آباد دھرنا کمیشن کی حتمی رپورٹ تیار ، کابینہ ڈویژن میں جمع

وفاق کی جانب سے رپورٹ سپریم کورٹ میں جمع کروائی جائے گی، اٹھائیس اہم شخصیات کے بیانات شامل، فیض آباد دھرنا کو ہینڈل نہ کرسکنے والوں کی ذمہ داری کا بھی تعین کیاگیا

جمعرات 14 مارچ 2024 20:00

فیض آباد دھرنا کمیشن کی حتمی رپورٹ تیار ، کابینہ ڈویژن میں جمع

اسلام آباد(اُردو پوائنٹ اخبارتازہ ترین - آن لائن۔ 14 مارچ2024ء) فیض آباد دھرنا کمیشن نے اپنی حتمی رپورٹ تیار کر لی گئی۔ رپورٹ کمیشن کے چیرمین اختر علی شاہ نے کابینہ ڈویژن میں جمع کرا دی ، وفاق فیض آباد دھرنا کمیشن کی رپورٹ سپریم کورٹ میں جمع کروائے گا۔

(جاری ہے)

رپورٹ میں اٹھائیس اہم شخصیات کے بیانات بھی شامل ہیں، رپورٹ کے متن کے مطابق دھرنے سے متعلق تمام فیصلے اس وقت کے چیف ایگزیکٹیو نے صوبائی حکومت کی ایما پر کیے، کمیشن نے اپنی حتمی رپورٹ میں کئی سفارشات دی ہیں، کمیشن نے فیض آباد دھرنا سے متعلق 5200 سے زائد صفحات کی چھان بین کی گئی، آئی بی، پولیس، پیمرا، پی ٹی اے، ایف آئی اے، سی ٹی ڈی، حکومتی اور سپیشل برانچ کی رپورٹس بھی کمیشن کی رپورٹ کا حصہ بنا دی گئیں، کمیشن نے کئی متعلقہ شخصیات کے خلاف کاروائی کی سفارش بھی کی ہے، ریٹائرڈ فوجی اور سویلین افسران کے بیانات بھی قلم بند کیے گئے، تمام رپورٹ اور بیانات کی روشنی میں کمیشن نے فیض آباد دھرنا کو ہینڈل نہ کرسکنے والوں کی ذمہ داری کا بھی تعین کیا ہے۔