اب آصف زرداری کو صدارتی استثنیٰ حاصل ہے، پارک لین ریفرنس میں وکیل کے دلائل

منگل 19 مارچ 2024 16:58

اسلام آبا د(اُردو پوائنٹ اخبارتازہ ترین - این این آئی۔ 19 مارچ2024ء) اسلام آباد کی احتساب عدالت میں صدرِ مملکت آصف علی زرداری کے خلاف پارک لین ریفرنس کی سماعت کے دوران ان کے وکیل فاروق ایچ نائیک نے دلائل پیش کیے۔صدرِ پاکستان آصف علی زرداری کے خلاف کیس کی سماعت احتساب عدالت کے جج ناصر جاوید رانا نے کی۔

(جاری ہے)

صدرِ مملکت آصف زرداری کے وکیل فاروق ایچ نائیک احتساب عدالت میں پیش ہو ئے۔صدر آصف زرداری کے وکیل فاروق ایچ نائیک نے دلائل دیتے ہوئے کہا کہ آصف زرداری صدرِ پاکستان منتخب ہو گئے ہیں۔انہوں نے اپنے دلائل میں کہا کہ اب آصف زرداری کو صدارتی استثنیٰ حاصل ہے، ان کے خلاف کیس کی کارروائی آگے نہیں بڑھائی جا سکتی۔احتساب عدالت نے کیس کی سماعت 17 اپریل تک ملتوی کر دی۔