ڈاکٹر خالد مقبول صدیقی کا سکولوں سے باہر بچوں کی صورتحال پر گہری تشویش کا اظہار
وزارت تعلیم کو نیوٹیک کے تعاون سے 10لاکھ ٹیکنالوجی ، آئی ٹی ہنرمند کارکنوں کو تربیت دینے کیلئے ہنگامی طور پر حکمت عملی مرتب کرنے کی بھی ہدایت کی ہے،وفاقی وزیرتعلیم کی زیرصدارت اجلاس کابینہ اجلاس میں قومی تعلیمی ایمرجنسی کے اعلان کی تجویز دوں گا، وفاقی وزیر تعلیم ڈاکٹر خالد مقبول صدیقی کا اجلاس سے خطاب
بدھ 20 مارچ 2024 21:30
(جاری ہے)
وزارت میں منعقد ہونے والے اجلاس میں تعلیم کے شعبے میں اہم مسائل کو حل کرنے کیلئے اہم اقدامات پر توجہ مرکوز کی گئی۔اجلاس میں ڈاکٹر خالد مقبول صدیقی نے پاکستان میں سکول نہ جانے والے بچوں کی تشویشناک تعداد پر گہری تشویش کا اظہار کیا۔
انہوں نے کہاکہ اس چیلنج سے نمٹنے کیلئے وہ وزیر اعظم اور وفاقی کابینہ کو قومی تعلیمی ایمرجنسی کے اعلان کی تجویز دیں گے، اس کا مقصد سکولوں سے باہر بچوں کو تعلیمی نظام میں واپس لانا ہے اور اس بات کو یقینی بنانا ہے کہ کوئی بچہ تعلیم کے میدان میں پیچھے نہ رہ جائے۔وفاقی وزیر نے وزارت کو ہدایت کی کہ وہ 10لاکھ ٹیکنالوجی اور آئی ٹی کے ہنر مند کارکنوں کو تربیت دینے کیلئے ہنگامی طور پر حکمت عملی مرتب کرے، اس اقدام کو نیشنل ووکیشنل اینڈ ٹیکنیکل ٹریننگ کمیشن (نیوٹیک)کی طرف سے مالی اعانت فراہم کی جائے گی جس کا مقصد افرادی قوت کو تیزی سے ترقی پذیر تکنیکی منظرنامے میں ترقی کے لئے ضروری مہارتوں سے آراستہ کرنا ہے۔وفاقی وزیر تعلیم نے کہا کہ بچوں کی تعلیمی ضروریات کو پورا کرنے کے علاوہ اسلام آباد کے تمام سرکاری پرائمری سکولوں میں لاگو کئے جانے والے سکولز میلز پروگرام کے منصوبوں کا آغاز بھی کیا جائے گا،یہ اقدام طلبا کے لئے نہ صرف مناسب غذائیت کو یقینی بنائے گا بلکہ ان کی مجموعی صحت اور حفظان صحت کو بھی فروغ دے گا۔ڈاکٹر خالد مقبول صدیقی نے سب کیلئے معیاری تعلیم تک رسائی کو بہتر بنانے کیلئے حکومت کے غیر متزلزل عزم پر زور دیا۔ انہوں نے صنفی خواندگی کے فرق کو کم کرنے کیلئے لڑکیوں کی تعلیم پر توجہ مرکوز کرنے کی اہمیت پر بھی زور دیا اور اسے قومی ترقی کے اہداف کے حصول کی جانب ایک اہم قدم کے طور پر تسلیم کیا۔ان مقاصد کو آگے بڑھانے کے لئیوفاقی وزیر تعلیم نے اعلان کیا کہ ایس آئی ایف سی کے ساتھ مل کر ایک قومی کانفرنس کا انعقاد کیا جائے گا۔ وفاقی وزیر تعلیم نے پاکستان میں تعلیم کے شعبے میں انقلاب لانے کیلئے حکومت کے عزم کا اعادہ کرتے ہوئے کہا کہ جامع حکمت عملیوں کو نافذ کرنے اور کلیدی سٹیک ہولڈرز کے ساتھ تعاون کو فروغ دے کر وزارت کا مقصد ملک کے نوجوانوں کے لئے ایک روشن مستقبل بنانا ہے۔متعلقہ عنوان :
مزید اہم خبریں
-
پاکستان، کینیڈا دوطرفہ سیاسی مشاورت کا پانچواں اجلاس ، کینیڈین کمپنیوں کو پاکستان میں توانائی، کان کنی اور آئی ٹی کے شعبوں میں سرمایہ کاری کرنے کی دعوت ، ترجمان دفترخراجہ
-
ملک بھر سے تجاوزات ختم کرنے کا حکم‘ سپریم کورٹ نے 3 دن کا وقت دیدیا
-
سرکاری ریٹ لسٹ پرعملدرآمد انتظامیہ کا بڑا ٹاسک ہے،عظمیٰ بخاری
-
سولر سسٹم استعمال کرنے والے صارفین کیلئے بری خبر،بجلی کم از کم 3روپے فی یونٹ مہنگی کرنے کی تیاری
-
وزیراعظم کی عالمی اقتصادی فورم کے خصوصی اجلاس میں شرکت
-
بنی گالا میں درج مقدمہ،عدالت نے علی امین گنڈا پورسمیت تمام ملزمان کو باعزت بری کر دیا
-
الیکٹرک گاڑیوں کی فروخت کے نئے ریکارڈ کی پیش گوئی
-
محمود خان اچکزئی کے وارنٹ گرفتاری معطل
-
3 رکنی وزرا کمیٹی گندم خریداری پالیسی کا اعلان ایک دو روز میں کرےگی،محکمہ خوراک پنجاب
-
اغواءکا ڈرامہ کر کے فیملی سے ایک کروڑ کامطالبہ کرنے والے نوجوان کو پولیس نے گرفتار کرلیا
-
آڈیو لیکس کیس، جسٹس بابر ستار کو سماعت سے روکنے کی متفرق درخواست دائر
-
وزیراعظم شہباز شریف کی ہدایت پرایف بی آر کے مزید36افسران کو تبدیل کر دیاگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.