عوام نے عمران کے نام پر ووٹ دیکر اعتماد کیا ہے،اخترخان ایڈووکیٹ

عمران کے وژن کے مطابق حلقہ کی محرومیوں کا ازالہ کرنے کیلئے کوششیں کروں گا،رکن خیبرپختونخوا اسمبلی

جمعہ 22 مارچ 2024 21:05

سوات(اُردو پوائنٹ اخبارتازہ ترین - این این آئی۔ 22 مارچ2024ء) سوات کے حلقہ پی کے 5سے رکن صوبائی اسمبلی اخترخان ایڈووکیٹ نے کہاہے کہ عوام نے عمران خان کے نام پر ووٹ دیکر ہم پر اعتماد کیا ہے،عمران خان کے وژن کے مطابق حلقہ پی کے 5 کی تمام محرومیوں کا ازالہ کرنے کیلئے کوششیں کروں گا۔

(جاری ہے)

انہوں نے کہا کہ سیاست میں آنے کا مقصد ملک بھر سے افسر شاہی کا خاتمہ کراناہے،سرکاری افسران کو قانون کے مطابق عوامی خدمت پر مجبورکریں گے۔انہوں نے کہاکہ حلقے کے دور دراز علاقوں میں تعلیم کو فروغ دینے سمیت آئی پی پی پراجیکٹ کے تحت ملالہ فاؤنڈیشن کے ذریعے اسکولوں کا قیام اولین ترجیح ہے۔انہوں نے کہا کہ حلقے میں ہونے والے کام اب میرٹ کی بنیاد پر ہوں گے۔