ج*بڑھتی ہوئی دہشت گردانہ کاروائیاں تشویش کا باعث ہیں: سردار طاہر ڈوگر

اتوار 24 مارچ 2024 18:15

ڈ*لاہور (اُردو پوائنٹ اخبارتازہ ترین - آن لائن۔ 24 مارچ2024ء) صدر پاکستان سنی تحریک وسطی پنجاب سردار محمد طاہر ڈوگر نے کہا ہے کہ بلوچستان اور افغان سرحدی علاقوں میں بڑھتی ہوئی دہشت گردانہ کاروائیاں تشویش کا باعث ہیں،پاک افواج افسران اور جوانوں کی شہادتیں دہشت گردی کے خلاف قوم کا عزم مزید بلند کئے ہوئے ہے، پاکستان میں موجود دہشت گرد وں کے ہمدرد ،حمایتی، مددگاروں ،سہولت کاروں کے خلاف کسی قسم کی نرمی نہیں برتی چاہیے، افواج کے شہدائ قوم کے ماتھے کا جھومر ہیں، انہوں نے کہا کہ انتخابات کے بعد کی سیاسی، معاشی اور امن و امان کی صورتحال مزید قابل تشویش ہوتی چلی جا رہی ہے، سیاسی جماعتوں کو سر جوڑ کر اور سیاسی اختلافات کو پس پشت ڈال کر سب سے پہلے ملکی دفاع اور وقار کو مقدم رکھنا چاہیے، موجودہ غیر یقینی سیاسی صورتحال میں اپوزیشن جماعتوں کوحکومت کو بہتری کے لیے موقع دینا چاہیے، طاہر ڈوگر نے کہا کہ ملک کی موجودہ سیاسی اور امن و امان کی صورتحال معاشی ابتری قابل تشویش امر ہے۔