ڈی جی محکمہ بہبود آبادی ثمن رائے کا ریجنل ٹریننگ انسٹیٹیوٹ لاہور میں پودا لگا کر شجرکاری مہم کا افتتاح

اپنے حصے کا درخت لگا کر سموگ، فضائی آلودگی، موذی بیماریوں، سیلاب کے خطرات کم کرنے میں عملی کردار ادا کریں‘گفتگو

منگل 26 مارچ 2024 17:40

لاہور (اُردو پوائنٹ اخبارتازہ ترین - این این آئی۔ 26 مارچ2024ء) وزیر اعلیٰ پنجاب مریم نواز کی ہدایت پر صوبے میں تاریخ کی سب سے بڑی شجرکاری مہم ''پلانٹ فار پا کستان'' کا آغاز کر دیا گیا۔ اس سلسلہ میںمحکمہ بہبود آبادی کی ڈائریکٹر جنرل ثمن رائے نے ریجنل ٹریننگ انسٹیٹیوٹ لاہور میں ٹریننگ حاصل کرنے والی FWCs کے ہمراہ پودا لگا کر شجرکاری مہم کا افتتاح کیا۔

اس موقع پرانہوں نے کہا کہ وزیر اعلی پنجاب مریم نواز کی قیادت میں سرسبز پنجاب کا خواب پورا کریں گے۔ جنگلات کے عالمی دن پر پنجاب بھر میں 'درخت لگائیں پاکستان کے لئی' مہم آغاز کر دیا گیا ہے۔

(جاری ہے)

موسم بہارکے آغاز پر آج پورے پنجاب کی سب سے بڑی شجر کاری مہم شروع کی گئی ہے۔ ہمیں چاہیے کہ اپنے حصے کا درخت لگا کر سموگ، فضائی آلودگی، پھیپھڑوں کے کینسر سمیت دیگر موذی بیماریوں، سیلاب کے خطرات کم کرنے میں عملی کردار ادا کریں۔

ایک درخت کی زندگی کروڑوں انسانوں کی زندگی ہے۔عوام سے اپیل ہے کہ اپنے حصے کا درخت لگا کر اس سرسبز و شاداب صوبے کی تعمیر میں اپنا حصہ ڈالیں۔انہوں نے صوبہ بھر میں تمام پاپولیشن ویلفئیر افسران کو ہدایت کی کہ وہ اپنے دفاتر اور علاقہ میں وسیع پیمانے پر پودے لگا کر ماحول کو صاف ستھرا بنانے میں اپنا حصہ ڈالیں۔