qغربت کے باعث افغان شہری اپنے جسمانی اعضاء بیچنے پر مجبور
۷ افغان طالبان کے اقتدار میں آنے کے بعد افغان عوام کیلئے ایک وقت کی روٹی کا حصول بھی ناممکن ہو گیا ،متاثرین
منگل 26 مارچ 2024 18:45
(جاری ہے)
طالبان کے اقتدار میں آنے کے بعد سے افغان عوام جہاں دیگر مسائل کا شکار ہوئے ہیں وہاں غربت نے بھی ان کا جینا محال کردیا ہے، افغانستان میں کچھ افراد ایسے بھی ہیں جو اپنے خاندان کی کفالت کیلئے اپنے گردے تک بیچنے پر مجبور ہو چکے ہیں، افغانستان کے بے سہارا لوگوں کی بڑھتی ہوئی تعداد میں اضافے کے باعث قوم غربت کی طرف بڑھ رہی ہے جسکی وجہ سے لوگ ایسے اقدام اٹھا نے پر مجبور ہیں ، یورونیوز کے مطابق چار دہائیوں سے جاری جنگ زد ہ ملک کے لیے اس کے نتائج تباہ کن رہے ہیں ، جن میں ملازمتوں کی کمی اور بڑھتے ہوئے معاشی چیلنجز معاشرے نے سب سے زیادہ کمزور افراد کو متاثر کیا ہے ، افغان شہر ہرات میں گردہ فروشی کا کاروبار اس قدر پھیل چکا ہے کہ یہاں ایک بستی کا نام ہی ’’One Kideny Village‘‘ پڑ چکا ہے، انٹرنل میڈیسن سپیشلسٹ ڈاکٹر احمد شکیب نے کہا کہ اگرچہ لوگوں کو اپنے اعضاء بیچنے سے مختصر مدت کے لیے معاشی فائدہ ہو سکتا ہے لیکن وہ اپنی جان کو خطرے میں ڈال رہے ہیں، معاشی مسائل کی وجہ سے اپنے گردے بیچنے والے زیادہ تر افراد کو گردے کی کمی کی وجہ سے طویل مدت میں صحت کے مسائل کا سامنا کرنا پڑ سکتا ہے، گردے کے عطیہ دہندگان میں سے زیادہ تر معاشی مسائل کا شکار رضاکار ہیں جو اپنے گردے دوسرے لوگوں کو فروخت کرتے ہیں تا کہ انکے گھر کا چولہا جل سکے، افغان طالبان کے اقتدار میں آنے کے بعد افغان عوام کیلئے ایک وقت کی روٹی کا حصول بھی ناممکن ہو چکا ہے، افسوسناک امر یہ ہے کہ غریب افغان عوام کے نام پر جو امداد بیرونی ممالک سے آتی ہے وہ بھی طالبان اپنے قبضے میں کرلیتے ہیں ، نورالدین ان افراد میں شامل ہیں جنہوں نے اپنے خاندانوں کا پیٹ پالنے یا قرض ادا کرنے کے لیے گردہ بیچا تھا ، نورالدین نے بتایا کہ ایک گر دہ ہونے کی وجہ سے میں مزید کام نہیں کر سکتا مجھے درد ہے اور میں کوئی بھاری چیز نہیں اٹھا سکتا، دنیا کے اکثر ممالک جسمانی اعضائ کے حوالے سے باقاعدہ قانون موجود ہیں جبکہ ان کی خرید و فروخت غیر قانونی ہے، مگر افغانستان میں اس حوالے سے کوئی بھی چیز واضح نہیں کی گئی ہے، یہ افسوسناک بات بھی سامنے آئی ہے کہ افغانستان میں غریب عوام سے اونے پونے داموں گردے خرید کر انہیں دوسرے ممالک میں مہنگے داموں بھی فروخت کیاجاتا ہے، ایک ماں کا کہنا تھا کہ اگر میں اپنا گردہ نہیں بیچتی تو میں اپنی ایک سالہ بیٹی کو بیچنے پر مجبور ہو جائوں گی ، افغان طالبان جو خطے کے دیگر ممالک بالخصوص پاکستان میں دہشتگردی کو فروغ دینے پر اپنی صلاحیتیں صرف کر رہے ہیں ان کو چاہئے کہ وہ اپنے غریب عوام کی زندگیوں کو آسان کریں۔
مزید قومی خبریں
-
محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی کا محاذ سنبھال لیا
-
دریائوں اور آبی ذخیروں میں پانی کی صورتحال
-
تھائی لینڈ سے غیر قانونی درآمد 200نایاب کچھوے برآمد
-
پاکستان کو پرامن محفوظ اور مستحکم بنائیں گے،خواجہ سعد رفیق
-
پاکستان سمیت دنیا بھر میں فائر فائٹرز کا عالمی دن 4 مئی کو منایا جائے گا
-
پنجاب میں مزید بارشیں متوقع، وزیراعلیٰ کا پیشگی حفاظتی اقدامات کا حکم
-
وفاقی وزیرداخلہ کا اسلام آباد میں امن عامہ کو بہتر بنانے ،جرائم پیشہ ،کا منشیات کی خرید و فروخت میں ملوث گینگز کے خلاف بھرپور کریک ڈاؤن کا حکم
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.