ي*سعودی عرب میں عید الفطر کی تعطیلات کا اعلان کر دیا گیا،ملازمین کو 6 دن کی چھٹیاں مل جائیں گی

منگل 26 مارچ 2024 19:30

ریاض (اُردو پوائنٹ اخبارتازہ ترین - آن لائن۔ 26 مارچ2024ء) سعودی عرب میں عید الفطر کی تعطیلات کا اعلان کر دیا گیا جس کے تحت ملازمین کو 6 دن کی چھٹیاں مل جائیں گی۔غیر ملکی خبر رساں ادارے کے مطابق سعودی عرب کے سرکاری اور نجی شعبے میں عید الفطر کی تعطیلات 8 اپریل بروز پیر سے 11 اپریل بروز جمعرات تک 4 روز کی ہوں گی لیکن جمعہ اور ہفتہ کی معمول کی چھٹیاں ہونے کی وجہ سے کٴْل 6 دن کی چھٹی ہوگی۔

(جاری ہے)

سعودی عرب میں 9 اپریل سے ہونے والی عید الفطر کی چھٹیوں کے بعد سرکاری اور نجی شعبے اتوار 14 اپریل کو کھلیں گے۔ اس طرح ملازمین کو عید کی خوشیوں میں دعوتوں، سیر و تفریح اور تقریبات کے لیے تقریباً ایک ہفتہ مل جائے گا۔یاد رہے کہ سعودی عرب میں رمضان کاآغاز 11 مارچ کو ہوا تھا اور سعودی علماء کونسل کے رکن اور شاہی دربار کے مشیر شیخ عبداللہ بن سلیمان المنیع کے بقول اس سال رمضان کا مہینہ 30 دن کا ہونے کا امکان ہے چنانچہ عید 10 اپریل بروز بدھ ہوگی۔