صدر بینک آف پنجاب ظفر مسعود پاکستان بینکس ایسوسی ایشن کے چیئرمین منتخب

صدر فیصل بینک یوسف حسین سینئر کو وائس چیئرمین، ایم ڈی سٹی بینک پاکستان احمد خان بوزئی وائس چیئرمین پی بی اے مقرر

بدھ 27 مارچ 2024 22:43

لاہور (اُردو پوائنٹ اخبارتازہ ترین - آن لائن۔ 27 مارچ2024ء) بینک آف پنجاب کے صدر ظفر مسعود پاکستان بینکس ایسوسی ایشن(پی بی ای) کے چیئرمین منتخب ہوگئے۔ پاکستان بینکس ایسوسی ایشن کی جانب سے جاری کردہ اعلامیے کے مطابق محمد اورنگزیب کے وفاقی وزیر بننے پر چیئرمین پی بی اے کا عہدہ خالی ہوا تھا، ایگزیکٹو کمیٹی کے اجلاس میں متفقہ طور پر ظفرمسعود کو چیئرمین منتخب کیا گیا۔

ظفر مسعود اب تک سینئر وائس چیئرمین پاکستان بینکس ایسوسی ایشن خدمات انجام دے رہے تھے، صدر فیصل بینک یوسف حسین سینئر کو وائس چیئرمین پی بی اے مقرر کیا گیا ہے۔

(جاری ہے)

ایم ڈی سٹی بینک پاکستان احمد خان بوزئی وائس چیئرمین پی بی اے مقرر ہو گئے ہیں۔ جاری کردہ اعلامیے میں کہا گیا کہ پی بی اے کو یقین ہے کہ نئی قیادت مثر انداز سے اپنا کام جاری رکھے گی، پی بی اے اسٹیٹ بینک سمیت اہم اسٹیک ہولڈرز سے بینکوں کے روابط بنائے رکھے گی۔

پی بی اے کے اعلامیے میں کہا گیا کہ نئی قیادت ٹیکنالوجی،کمپلائنس اور مالی شمولیت بڑھانا جاری رکھے گی، نئی قیادت ایس ایم ایز اورپاکستان کے لیے اہم منصوبوں کی فنانسنگ پر توجہ دیگی۔ اعلامیے میں کہا گیا پی بی اے محمد اورنگزیب کی بطورچیئرمین کاوشوں کا اعتراف کرتی ہے۔