ٴوفاقی بیورو کریسی میں تبادلے ،آئی جی اسلام آباد تبدیل ،خرم آغا کو سیکرٹری داخلہ لگا دیا گیا

جمعہ 29 مارچ 2024 20:00

ٴْ اسلام آباد(اُردو پوائنٹ اخبارتازہ ترین - آن لائن۔ 29 مارچ2024ء) آئی جی اسلام آباد ڈاکٹر اکبر ناصر خان کو عہدے سے ہٹا دیا گیا۔ڈاکٹر اکبر ناصر خان کو اسٹیبلشمنٹ ڈویڑن رپورٹ کر نے کی ہدایت کی گئی ہے ۔پولیس سروس گریڈ 20 کے سید علی ناصر رضوی نئے آئی جی اسلام آباد تعینات کیا گیا ہے۔

(جاری ہے)

ایڈمنسٹریٹو سروس گریڈ 22 کے کیپٹن ریٹائرڈ خرم آغا سیکرٹری داخلہ تعینات کیا گیا ہے ۔کیپٹن ریٹائرڈ خرم آغا اس سے قبل سیکرٹری کامرس تعینات تھے۔ ایڈمنسٹریٹو سروس گریڈ 21 کے خوشحال خان ایڈیشنل سیکرٹری پاور ڈویژن تعینات کر دیا گیا ہے ۔خوشحال خان اس سے قبل ایڈیشنل سیکرٹری وزارت داخلہ تعینات تھے۔اسٹیبلشمنٹ ڈویڑن نے تقرر و تبادلوں کے باضابطہ نوٹیفکیشنز جاری کر دئیے۔