ش*ڈی جی خان میں سخی سرور کے مقام پر ریت اور پتھر کی سب سے بڑی چوری پکڑی گئی

اتوار 7 اپریل 2024 19:45

{ لاہور (اُردو پوائنٹ اخبارتازہ ترین - آن لائن۔ 07 اپریل2024ء) صوبائی وزیر معدنیات سردار شیر علی گورچانی کا سخی سرور کے پہاڑی علاقے میں اچانک چھاپہ۔ ریت اور پتھر کی سپلائی میں کروڑوں روپے کی بے ضابطگی سامنے آگئی۔ مقامی افسران اور ملازمین کی ملی بھگت سے قومی خزانے کو روزانہ کروڑوں کا ٹیکہ لگ رہا تھا۔صوبائی وزیر معدنیات نے اپنی ٹیم اور مقامی پولیس کے ساتھ سخی سرور کے پہاڑی علاقے میں ریڈ کی جہاں ریت اور پتھر کی غیرقانونی ترسیل کی جا رہی تھی۔

صوبائی وزیر نے فوری گرفتاریاں اور ایف آئی آرز درج کرنے کا حکم دے دیا۔ محکمہ معدنیات سخی سرور کے ڈپٹی ڈائریکٹر اور اسسٹنٹ ڈائریکٹر کو فوری معطل کرنے کے احکامات جاری کئے۔ ملوث افسران اور ملازمین کیخلاف ایف آئی آر کروانے کا بھی حکم دے دیا۔

(جاری ہے)

اس موقع پر صوبائی وزیر نے کہا کہ بغیر لیز اور آکشن کے گزشتہ دو سال سے غیر قانونی طور پر ریت اور پتھر کے ٹرک بھر بھر کے ملک بھر میں ناجائز طور پر سپلائی جاری تھی۔

روزانہ کی بنیاد پر تقریبا 3000 ایسے ٹرک پورے ملک میں بھیجے جاتے ہیں جن پر ڈھائی سے تین ہزار فی ٹرک رشوت لی جاتی ہے۔ لیکن اب مافیاز کے ساتھ مل کر سرکاری خزانے کو نقصان پہنچانے والے ملازمین اور افسران کو کسی صورت معافی نہیں ملے گی۔ ان کے خلاف کاروائی عمل میں لائی جا رہی ہے۔ لیز اور آکشن نے ہونے تک اب یہ سپلائی معطل رہے گی۔ قومی خزانے کو نقصان پہنچانے اور عوام کے پیسے پر لوٹ مار کی اجازت کسی صورت نہیں دے سکتے۔