کراچی (اُردو پوائنٹ اخبارتازہ ترین - آن لائن۔ 09 اپریل2024ء)
عید الفطر کی طویل تعطیلات سے ایک دن قبل
پاکستان اسٹاک مارکیٹ نے بلندیوں کے تمام سابقہ
ریکارڈ توڑ دیئے۔منگل کو بھی
پاکستان اسٹاک مارکیٹ میں تیزی کا رجحان رہا اور ملکی تاریخ میں پہلی بار کے ایس ای 100 انڈیکس 70 ہزار پوائنٹس کی نفسیاتی حد عبور کر گیا
کاروبار کے دوران کے ایس ای 100 انڈیکس میں 600 سے زائد پوائنٹس کا اضافہ ہوا جس کی وجہ سے انڈیکس 69 ہزار 600 پوائنٹس سے بڑھ کر 79ہزار300پوائنٹس پر جا پہنچا۔
کاروباری تیزی سے مارکیٹ کے سرمائے میں 77 ارب روپے سے زائد کا اضافہ
ریکارڈ کیا گیا جس کے نتیجے میں سرمائے کا مجموعی حجم 97کھرب روپے سے تجاوز کر گیا جبکہ 51.27 فیصدحصص کی قیمتیں بھی بڑھ گئی۔سرمایہ کاروں اور مالیاتی اداروں نے ٹیلی کام۔
(جاری ہے)
فوڈز۔ایگری کلچر۔ سیمنٹ سمیت دیگر شعبوں میں سرمایہ کاری کی جس کی وجہ سے مارکیٹ 70 ہزار کی نفسیاتی حد بھی عبور کر گئی۔
پاکستان اسٹاک مارکیٹ میں منگل کو کے ایس ای 100 انڈیکس میں 694.73 پوائنٹس کا اضافہ
ریکارڈ کیا گیا جس کے بعد انڈیکس 69619.99پوائنٹس سے بڑھ کر 70314.72 پوائنٹس پر بند ہوا اسی طرح 221.49 پوائنٹس کے اضافے سے کے ایس ای30 انڈیکس 22910.80 پوائنٹس سے بڑھ کر 23132.29 پوائنٹس پر بند ہوا جبکہ کے ایس ای شیر انڈیکس 45697.19 پوائنٹس سے بڑھ کر 46041.99 پوائنٹس ہو گیا۔کاروباری تیزی کی وجہ سے مارکیٹ کے سرمائے میں 77 ارب 84 کروڑ 3 لاکھ 41 ہزار 698روپے کا اضافہ
ریکارڈ کیا گیا جس کے نتیجے میں سرمائے کا مجموعی حجم 96 کھرب 82 ارب 65 کروڑ 58 لاکھ 18 ہزار 912 روپے سے بڑھ کر 97 کھرب 60 ارب 49 کروڑ 61 لاکھ 60 ہزار 610 روپے ہو گیا.
پاکستان اسٹاک مارکیٹ میں منگل کو 17 ارب روپے مالیت کے 38 کروڑ 93 لاکھ 96 ہزار حصص کے سودے ہوئے جبکہ پیر کو 15 ارب روپے مالیت کے 33 کروڑ 58 لاکھ 25 ہزار حصص کے سودے ہوئے تھے۔
پاکستان اسٹاک مارکیٹ میں گزشتہ روز مجموعی طور پر 353 کمپنیوں کا
کاروبار ہوا جس میں سے 181 کمپنیوں کے حصص کی قیمتوں میں اضافہ 157 میں کمی اور 15 کمپنیوں کے حصص کی قیمتوں میں استحکام رہا
۔کاروبار کے لحاظ سے ورلڈ کال ٹیلی کام3 کروڑ 43 لاکھ ,پاک انٹرنیشنل بلک 2 کروڑ 78لاکھ, پی آئی اے 1 کروڑ 90 لاکھ ,فوجی فوڈ زلمیٹڈ ایک کروڑ 30 لاکھ اور ایگری ٹیک لمیٹڈ ایک کروڑ 27 لاکھ حصص کے سودوں سے سرفہرست رہے۔
قیمتوں میں اتار چڑھاؤ کے اعتبار سے رفحان معیض پروڈکٹ
کمپنی لمیٹڈ کے بھاؤ میں 100 روپے کا اضافہ
ریکارڈ کیا گیا جس سے اس کی قیمت 8350.00روپے ہو گئی اسی طرح 55.85 روپے کے اضافے سے ماری پیٹرولیم
کمپنی لمیٹد کے حصص کی قیمت 2621.71 روپے پر جا پہنچی جبکہ سیفائر ٹیکسٹائل ملز لمیٹڈ کے بھاؤ میں 60 روپے کی کمی واقع ہوئی جس کے بعد اس کی حصص کی قیمت 1350.00 روپے ہو گئی اسی طرح 50 روپے کی کمی سے باٹا
پاکستان لمیٹڈ کے حصص کی قیمت 1700.00روپے پر آگئی۔#
