پاک فوج کا جنوبی وزیرستان میں آپریشن ، دو دہشت گرد جہنم واصل

منگل 9 اپریل 2024 20:40

راولپنڈی (اُردو پوائنٹ اخبارتازہ ترین - اے پی پی۔ 09 اپریل2024ء) سکیورٹی فورسز نے جنوبی وزیرستان میں ایک خفیہ اطلاع پر مبنی آپریشن کیا۔آپریشن کے دوران، شدید فائرنگ کے تبادلے کے بعد، دو دہشت گردوں کو کامیابی سے ناکام بناتے ہوئے انہیں جہنم واصل کر دیا گیا۔

(جاری ہے)

آئی ایس پی آر کے مطابق مارے گئے دہشت گردوں کے قبضے سے ہتھیاروں کے ساتھ ساتھ بڑی مقدار میں بارودی مواد بھی برآمد کر لیا گیا۔ یہ دہشت گرد متعدد دہشت گرد سرگرمیوں میں ملوث رہے ہیں۔علاقے میں موجود کسی بھی دیگر دہشت گرد کو ختم کرنے کے لیے کلئیرنس آپریشن جاری ہے۔ آئی ایس پی آر کا کہنا ہے کہ پاکستان کی سیکیورٹی فورسز ملک سے دہشت گردی کے لعنت کے خاتمے کے لیے پرعزم ہیں۔