مریم نواز جو وعدہ کرینگی وہ پورا ہوگا، اب فائل ورک اور کاغذی کاروائیاں نہیں ہوں گی‘عظمیٰ بخاری

پنجاب حکومت کی کارکردگی سوشل میڈیا پر نہیں گرائونڈ پر نظر آرہی ہے، مخالفین مریم نواز سے کارکردگی میں مقابلہ کرنے کی صلاحیت نہیں رکھتے

ہفتہ 13 اپریل 2024 19:55

لاہور(اُردو پوائنٹ اخبارتازہ ترین - این این آئی۔ 13 اپریل2024ء) وزیر اطلاعات پنجاب عظمیٰ بخاری نے کہا ہے کہ وزیراعلی پنجاب مریم نواز نے اپنی پہلی تقریر میں ایئر ایمبولینس شروع کرنے کا اعلان کیا تھا، صرف ایک ماہ کے دوران ہی مریم نواز نے اپنے وعدے کے عین مطابق ایئر ایمبولنس کے لیے جہاز خرید لیا۔

(جاری ہے)

عظمی بخاری نے اپنے بیان میں کہا کہ مریم نواز پنجاب کی پہلی خاتون وزیراعلی بنی ابتک دو درجن سے زائد پروگرام پنجاب میں پہلی بار شروع کیے، مریم نواز جو وعدہ کرینگی وہ پورا ہوگا، اب فائل ورک اور کاغذی کاروائیاں نہیں ہوں گی۔

انہوں نے کہا کہ پنجاب حکومت کی کارکردگی سوشل میڈیا پر نہیں گرائونڈ پر نظر آرہی ہے، مخالفین مریم نواز سے کارکردگی میں مقابلہ کرنے کی صلاحیت نہیں رکھتے۔مسلم لیگ(ن) کی قیادت نے ہمیشہ عوام سے کیے وعدے پورے کیے ہیں، ایک کروڑ نوکریاں اور 50 لاکھ گھروں کا نعرہ لگانے والوں نے آخر میں قوم کو لنگر خانے اور پناہ گاہیں دی، مسلم لیگ ن کے پاس ایسے فراڈ پروجیکٹ نہیں۔