یہ حکومت 5مہینے حکومت پوری کر لے بڑی بات ہے‘فواد چوہدری

پاکستان میں ہر شخص کو ہر وقت خطرہ ہے، میں چار بار جیل سے ہو آیا ہوں‘میڈیا سے گفتگو

پیر 15 اپریل 2024 17:16

یہ حکومت 5مہینے حکومت پوری کر لے بڑی بات ہے‘فواد چوہدری

لاہور (اُردو پوائنٹ اخبارتازہ ترین - این این آئی۔ 15 اپریل2024ء) سابق وفاقی وزیر فواد چوہدری نے کہا ہے کہ یہ حکومت 5مہینے حکومت پوری کر لے بڑی بات ہے۔لاہور میں انسداد دہشت گردی عدالت کے باہر میڈیا سے گفتگو کرتے ہوئے فواد چوہدری نے کہا کہ پاکستان میں ٹمپریچر نیچے لانے کی ضرورت ہے، اتنی زیادہ لڑائیاں ہو رہی ہوں تو ملک کو نقصان پہنچتا ہے۔

(جاری ہے)

ہم تو منت ہی کر سکتے ہیں کہ بس اب آگے بڑھیں، بانی پی ٹی آئی کو جیل میں رکھ کر ٹمپریچر نیچے نہیں آسکتا۔

انہوں نے کہا کہ معیشت کی حالت یہ ہے بیرون ملک مقیم پاکستانی بھی یہاں انویسٹ کرنے کو تیار نہیں، جب آپ اپنے لوگوں کو ہی قائل نہیں کر پا رہے تو پھر دوسروں کو کیسے کہیں گے کہ یہاں انویسٹ کریں۔اس موقع پر صحافی نے سوال کیا کہ کیا اب بھی آپ کو گرفتاری کا خطرہ کا ہی ۔ فواد چوہدری نے کہا کہ پاکستان میں ہر شخص کو ہر وقت خطرہ ہے، میں چار بار جیل سے ہو آیا ہوں۔