ش*وزیر اعظم سے وزیراعلیٰ بلوچستان کی ملاقات ،مجموعی صورت حال پر تبادلہ خیال

ی*وزیراعلی نے صوبے میں امن وامان ،ترقیاتی منصوبوں اور کابینہ تشکیل پر اعتماد میں لیا

بدھ 17 اپریل 2024 18:10

اسلام آباد(اُردو پوائنٹ اخبارتازہ ترین - آن لائن۔ 17 اپریل2024ء) وزیر اعظم شہباز شریف سے وزیر اعلیٰ بلوچستان میر سرفراز بگٹی نے ملاقات کی ہے ،دونوں رہنمائوں کے درمیان مجموعی صورت حال پر تبادلہ خیال کیا گیا، ذرائع نے بتایا کہ وزیراعلیٰ نے یہاں وزیر اعظم ہائوس میں وزیر اعظم شہباز شریف سے ملاقات کی ،ملاقات میں بلوچستان کی سیاسی، سکیورٹی صورتحال کا جائزہ لیا گیا،وزیراعلیٰ نے صوبے میں امن وامان کی صورت حال اور جاری ترقیاتی منصوبوں سے متعلق وزیراعظم کو آگا ہ کیا،ملاقات میں بلوچستان کابینہ کی تشکیل کے حوالے سے بھی گفتگو کی گئی اور کابینہ کے ناموں پر وزیر اعظم کو اعتماد میں لیا ، وزیر اعظم نے بلوچستان کی ترقی اور امن وامان کی صورت حال کو برقرار رکھنے کیلئے متعدد اقدامات کو سراہا ۔