ایم فور آہنی پل کی تنصیب کی وجہ سے 20اپریل کو فیصل آباد سے ساہیانوالہ تک صبح 6سے 10بجے تک جزوی طور پر بند رہے گی

جمعرات 18 اپریل 2024 20:32

گوجرہ (اُردو پوائنٹ اخبارتازہ ترین - آن لائن۔ 18 اپریل2024ء) موٹروے پولیس، این ایچ اے اور دوسری متعلقہ اتھارٹیز سے مشاورت اور انکے نوٹس میں دینے کے بعد فیصل آباد سے ساہیانوالہ موٹروے پر بروز ہفتہ بتاریخ 2024 -04-20 کو آہنی پل (Steel Bridge) کی تنصیب کی جائے گی۔ اس دوران روڈ یوزرز کی سیفٹی کو مدنظر رکھتے ہوئے صبح (0600) چھ بجے سے دن (1000) دس بجے تک فیصل آباد سے ساہیانوالہ موٹروے جزوی طور پر بند کی جائے گی۔

(جاری ہے)

اس دوران موٹروے پولیس کے افسران، این ایچ اے، ضلع پولیس اور ٹریفک پولیس کے افسران بھی معاونت کے لیے موقع پر موجود ہوں گے۔ فیصل آباد سے لاہور یا اسلام آباد جانے والی ٹریفک چک جھمرہ روڈ یا فیصل آباد ایکسپریس وے سے ساہیانوالہ انٹرچینج سے موٹروے پر داخل ہو سکتی ہے۔ جو ٹریفک فیصل آباد کی طرف آے گی وہ ساہیانوالہ سے آؤٹ ہو کر ایکسپریس وے یا چک جھمرہ روڈ سے فیصل آباد داخل ہو سکے گی۔