پولیو کے خاتمے کیلئے قومی ایمرجنسی آپریشنز سینٹر کی جانب سے بین الاقوامی شراکت داروں اور ڈونرز کیلئے ایک بریفنگ کا اہتمام
پاکستان پولیو سے پاک دنیا کے خواب کو حقیقت میں بدلنے کیلئے عالمی صحت عامہ کے تحت پولیو کے خاتمے کیلئے پرعزم ہے، ڈاکٹر ملک مختار پاکستان پولیو کے خاتمے کے قریب پہنچ چکا ہے تو ایسے میں بین الاقوامی شراکت داروں اور ڈونر ایجنسیوں کی جانب سے تعاون کو جاری رہنا چاہیے ، نمائندہ ڈبلیو ایچ او
جمعہ 19 اپریل 2024 17:51
(جاری ہے)
پولیو پروگرام کی پیشرفت پر روشنی ڈالتے ہوئے انہوں نے کہا کہ قابل قدر بین الاقوامی شراکت داروں اور ڈونرز کے تعاون سے ہم دنیا میں پولیو کے خاتمے کا سب سے بڑا پروگرام چلا رہے ہیں جس میں ایک وسیع پولیو وائرس سرویلنس نیٹ ورک اور جدید لیب ہے۔
اس کے باوجود کیسز کا سامنے آنا اس بات کی طرف اشارہ ہے کہ ابھی مزید کام کرنے کی ضرورت ہے تاکہ اس بات کو یقینی بنایا جائے کہ ہر بچہ پولیو وائرس سے محفوظ ہے۔انہوں نے کہا کہ بین الاقوامی شراکت داروں اور ڈونرز کا پختہ عزم اور لگن ہمیں پولیو کے خاتمے کے قریب لانے میں انتہائی اہم ہے اور مجھے امید ہے کہ یہ تعاون آئندہ بھی جاری رہے گا کیونکہ پاکستان اس سال پولیو وائرس کی منتقلی کو روکنے کی پوزیشن میں ہے۔اجلاس سے خطاب کرتے ہوئے وفاقی سیکرٹری صحت ندیم محبوب نے کہا کہ وزارتِ قومی صحت پاکستان پولیو پروگرام کو مکمل تعاون فراہم کر رہی ہے تاکہ ہر بچے تک پولیو ویکسین کی رسائی کو ممکن بنایا جاسکے۔انہوںنے کہاکہ پاکستان کے بچوں کی فلاح و بہبود اور صحت کے نظام کو مضبوط بنانے کیلئے بین الاقوامی شراکت داروں اور ڈونرز کی جانب سے تعاون پر ان کا تہہ دل سے شکریہ ادا کرتا ہوں۔کوآرڈینیٹر ایمرجنسی آپریشنز سینٹر ڈاکٹر شہزاد بیگ نے وبائی امراض کی موجودہ صورتحال، پیش رفت، در پیش چیلنجز اور ضروریات کے بارے میں تفصیلی بریفنگ دی۔انہوں نے اس بات پر روشنی ڈالی کہ آنے والے مہینوں میں پولیو پروگرام انسداد پولیو مہمات میں تیزی، کراس بارڈر ویکسینیشن کو مضبوط بنانے ، خیر سگالی اور اعتماد کی فضاء قائم کرنے کیلئے کمیونیٹیز تک رسائی کو ممکن بنانے پر توجہ مرکوز کریں گے۔ڈاکٹر بیگ نے معزز مہمانوں کے ساتھ گفتگو کرتے ہوئے پولیو کے خاتمے کے مشن میں مشترکہ کوششوں کو تقویت دینے کے مقاصد کو واضع کیا۔جی پی ای آئی پارٹنر ایجنسیوں، ڈبلیو ایچ او، یونیسیف، بل اینڈ میلنڈا گیٹس فاؤنڈیشن، روٹری انٹرنیشنل، یو ایس - سی ڈی سی، ورلڈ بینک، ایشین ڈویلپمنٹ بینک، کینیڈین ہائی کمیشن، آسٹریلین ہائی کمیشن، فرانسیسی ڈویلپمنٹ بینک، یو ایس ایڈ، کے ایف ڈبلیو اور قطر چیرٹی کے نمائندوں نے اس موقع پر شرکت کی اور پولیو کے خاتمے کے سفر میں پاکستان کی مدد کرنے کے اپنے عزم کا اعادہ کیا۔پاکستان میں یونیسیف کے نمائندے عبداللہ فادل کی جانب سے بات کرتے ہوئے یونیسیف کی پولیو چیف میلیسا کورکم نے کہا کہ ہم نے پولیو کے خاتمے کی جانب واضع پیش رفت کی ہے، لیکن پولیو کا ایک کیس بھی صحت عامہ کیلئے بحران ہے اور اس سے ہماری برسوں کی محنت ضائع ہونے کا خطرہ ہے،مضبوط اور متحدہ شراکت داری کی ضرورت آج بلکل اسی طرح ہے جس طرح ماضی میں اجتماعی کاوشوں کو دوبارہ شروع کرنے کی ضرورت تھی۔پاکستان میں ڈبلیو ایچ او کے نمائندے ڈاکٹر لوو ڈپینگ نے کہا کہ پولیو کے خاتمے میں سرمایہ کاری نہ صرف پاکستان بلکہ دنیا کے بچوں کے لیے بہت بڑا فرق ڈالتی ہے۔ جیسا کہ پاکستان پولیو کے خاتمے کے قریب پہنچ چکا ہے تو ایسے میں بین الاقوامی شراکت داروں اور ڈونر ایجنسیوں کی جانب سے تعاون کو جاری رہنا چاہیے تاکہ جو کامیابیاں حاصل کی ہیں وہ برقرار رکھتے ہوئے آخری حد کو عبور کرسکیں۔متعلقہ عنوان :
مزید قومی خبریں
-
منشیات فروشوں کے خلاف کریک ڈائون کر رہے ہیں، اسلحہ کی نمائش کی اجازت نہیں ہوگی ، شرجیل انعام میمن
-
راولپنڈی،پتریاٹہ پولیس کی کارروائی ،ناجائز اسلحہ پرملزم گرفتار
-
وزیراعلیٰ سندھ کی زیر صدارت ایپکس کمیٹی کا اجلاس
-
صوبائی وزیر صحت خواجہ عمران نذیر کی جناح ہسپتال آمد ،یورالوجی ٹرانسپلانٹ سنٹر کا دورہ کیا
-
گھریلو کنکشن کیلئے ایل این جی کی بنیاد پر ڈیمانڈ نوٹسز کی فیس مقرر
-
پنجاب کو مکمل طورپرپولیو فری بنانا ہمارا عزم، ویکسی نیشن مہم کی ذاتی طور پر مانیٹرنگ کررہی ہوں،مریم نواز
-
سید ناصرحسین شاہ کی کراچی یونین آف جرنلسٹس کے نومنتخب عہدیداروں کو مبارکباد
-
پیپلزپارٹی آزاد و خودمختار پریس کی حمایت کرتی ہے، جس کا جمہوری عمل کے فروغ میں کلیدی کردار ہے،بلاول بھٹو زرداری
-
گورنر سندھ کامران ٹیسوری کے ہمراہ وفاقی وزیر داخلہ محسن نقوی کا آئی ٹی مارکی کا دورہ
-
وفاقی وزیرداخلہ محسن نقوی کی کراچی میں چینی قونصلیٹ آمد،چین کے قونصل جنرل سے ملاقات
-
مجرموں کی سرپرستی یا سہولتکاری کرنے والا کوئی بھی ہو اس کے ساتھ کوئی بھی رعایت نہیں برتی جائے گی، شرجیل میمن
-
وزیراعلی سندھ سید مراد علی شاہ کی زیر صدارت 31 ویں ایپکس کمیٹی اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.