ارشد شریف قتل کیس، ن لیگ قیادت کیخلاف اندراج مقدمہ کیلئے 22 اے کی درخواست کا معاملہ

جمعہ 19 اپریل 2024 22:11

اسلام آباد (اُردو پوائنٹ اخبارتازہ ترین - آن لائن۔ 19 اپریل2024ء) ڈسٹرکٹ اینڈ سیشن کورٹس اسلام آباد میں ارشد شریف قتل کیس، ن لیگ قیادت کیخلاف اندراج مقدمہ کیلئے 22 اے کی درخواست کا معاملہ ،پولیس کی جانب سے عدالت میں رپورٹ پیش کردی گئی،عدالت نے آئندہ سماعت پر اندراج مقدمے کی درخواست پر دلائل طلب کرلیے۔

(جاری ہے)

گزشتہ سماعت پر ایڈیشنل سیشنز جج احمد ارشد محمود نے تینوں فریقین سے رپورٹس طلب کیں تھیں شہری شاکر علی کی جانب سے مقامی عدالت میں درخواست دائر کی گئی درخواست میں آئی جی اسلام آباد، ایس ایس پی آپریشنز اور ایس ایچ او تھانہ کراچی کمپنی کو فریق بنایا گیا ہے درخواست میں موقف اپنایا گیا کہ ارشد شریف کے قتل کا بینی فیشری شریف خاندان ہے عدالت نے کیس کی سماعت 24 اپریل تک ملتوی کردی۔