صدر آصف علی زرداری نے پاکستان کھپے کا نعرہ لگا کر وفاق کو مزید مستحکم کیا، شرجیل میمن

ہفتہ 20 اپریل 2024 20:13

کراچی (اُردو پوائنٹ اخبارتازہ ترین - آن لائن۔ 20 اپریل2024ء) وزیراطلاعات سندھ شرجیل انعام میمن کا کہنا ہے کہ صدر آصف علی زرداری پر تنقید کر کے بیرسٹر گوہر اپنا سیاسی قد بڑھانے کی کوشش کر رہے ہیں۔شرجیل انعام میمن کا کہنا تھا کہ آئی ایم ایف کو خط لکھ کر امداد بند کروانے کی کوشش کرنے والے بیرسٹر گوہر کی آصف علی زرداری پر تنقید مضحکہ خیز بات ہے۔

(جاری ہے)

انہوں نے کہا کہ شہید بی بی کے بعد آصف علی زرداری وفاق کو مضبوط کرنے کی علامت کے طور پر سامنے آئے، صدر آصف علی زرداری نے کے پی کے کو نام دیا، گلگت بلستان کو صوبے کا درجہ دیا۔شرجیل انعام میمن نے کہا کہ صدر آصف علی زرداری نے پاکستان کھپے کا نعرہ لگا کر وفاق کو مزید مستحکم کیا۔صوبائی وزیر کا کہنا تھا کہ ملک میں قابل ذکر اقتصادی ترقی اور استحکام صدر آصف علی زرداری کے تجربوں کے بدولت آیا۔#