ٹی ٹوئنٹی ورلڈ کپ میں پاک بھارت ٹاکرے کی پِچ ایڈیلیڈ جیسی ہوگی

نیویارک (اُردو پوائنٹ اخبارتازہ ترین - آن لائن۔ 20 اپریل2024ء) آئی سی سی ٹی ٹوئنٹی ورلڈکپ 2024ئ میں پاک بھارت ٹاکرے کے حوالے سے ابھی سے چرچا ہونا شروع ہوچکا ہے حالانکہ یہ میچ 9 جون کو نیویارک میں شیڈول ہے۔سب سے زیادہ سوال یہ کیا جارہا ہے کہ پاک بھارت میچ کی پچ کیسی ہوگی کیونکہ نیویارک میں اسٹیڈیم عارضی طور پر تیار کیا گیا ہے جہاں اس سطح کے مقابلے پہلی مرتبہ ہو رہے ہیں۔

بتایا گیا ہے کہ پاک بھارت مقابلے کے لیے نساو کاو?نٹی اسٹیڈیم نیویارک میں ایڈیلیڈ جیسی پچ ہوگی۔سی ای او ٹی ٹوئنٹی ورلڈ کپ امریکا بریٹ جونز کا کہنا ہے کہ عارضی اسٹیڈیم بنانے کے لیے بڑے چیلنجز کا سامنا کرنا پڑا ہے، تعمیر کے دوران ریکارڈ بارشیں ہوئیں اور جما دینے والی سردی پڑی۔بریٹ جونز نے بتایا کہ عارضی اسٹیڈیم کا ا?ئیڈیا اولمپک گیمز گولف کورسز اور فارمولا ون سے لیا گیا، یہ وہی انفرا اسٹرکچر ہے جو ان ایونٹس میں استعمال ہوتا ہے۔

(جاری ہے)

انہوں نے کہا کہ بیس تیس سال سے اس انفرا اسٹرکچر کے ساتھ کام کرنے والوں کی خدمات لی گئیں، پچ کے لیے ڈراپ ان ٹیکنالوجی استعمال کی گئی ہے۔ان کا کہنا ہے کہ ڈراپ ان پچز کو فلوریڈا کے گرم موسم میں تیار کیا گیا ہے اور ایونٹ کے قریب ان پچز کو فلوریڈا سے نیویارک پہنچایا جائے گا۔بریٹ جونز نے کہا کہ یہ پچز میلبرن اور ایڈیلیڈ جیسی ہوں گی، ایڈیلیڈ پچز کا ٹریک ریکارڈ بہت اچھا رہا ہے۔