ق* اولڈ میرپور پولیس اسٹیشن کی حدود سے اغوا ہونے والے نوجوان کا سراغ نہ مل سکا

پیر 22 اپریل 2024 20:15

ي میرپورخاص(اُردو پوائنٹ اخبارتازہ ترین - آن لائن۔ 22 اپریل2024ء) اولڈ میرپور پولیس اسٹیشن کی حدود سے مبینہ طور پر اغوا ہونے والے صابوماری کا پونے دو ماہ بعد بھی سراغ نہ مل سکا ورثا کا پریس کلب کے سامنے احتجاج اور دھرنا اس موقع پر مظاہرین کا کہنا تھا پونے دو ماہ قبل نور مری ہمارے نوجوان صابو مری کو ورغلا کر لے گیا جس کا تاحال کوئی پتہ نہیں ہے مقدمہ درج کرنے کے باوجود پولیس ملزمان کو گرفتار نہیں کر رہی ہے اور ہمیں شبہ ہے کہ ہمارے نوجوان صابو ماری کو قتل کیا گیا ہے انہوں نے آئی جی سندھ سمیت اعلیٰ حکام سے مطالبہ کیا کہ ہمارے نوجوان کو بازیاب کرایا جائے اگر اسے قتل کیا گیا ہے تو اس بارے میں ہمیں آگاہ کیا جائے بصورت دیگر سخت احتجاج کیا جائے گا۔#