ضمنی انتخابات ، پنجاب سے کامیاب امیدواروں کے نوٹیفکیشن جاری

جمعہ 26 اپریل 2024 20:05

اسلام آباد/لاہور(اُردو پوائنٹ اخبارتازہ ترین - این این آئی۔ 26 اپریل2024ء) الیکشن کمیشن نے ضمنی انتخابات میں کامیاب امیدواروں کے نوٹیفکیشن جاری کردئیے۔

(جاری ہے)

الیکشن کمیشن کے مطابق این اے 44 ڈی آئی خان سے فیصل امین خان، این اے 119 لاہور سے مسلم لیگ (ن) کے علی پرویز ملک ، این اے 132 قصور سے مسلم لیگ (ن)کے رشید احمد خان ،پی پی 36 وزیرآباد سے مسلم لیگ (ن)کے عدنان افضل چٹھہ ، پی پی 54 نارووال سے مسلم لیگ (ن)کے احمد اقبال چودھری، پی پی 93 بھکر سے مسلم لیگ (ن)کے سعید اکبر خان ، پی پی 139 شیخوپورہ سے مسلم لیگ (ن)کے رانا افضال حسین کامیاب قرار پائے گئے۔

پی پی 147 لاہور سے مسلم لیگ (ن)کے محمد ریاض ،پی پی 149 سے آئی پی پی کے محمد شعیب صدیقی ، پی پی 158 مسلم لیگ (ن)کے چودھری محمد نواز ، پی پی 164 لاہور سے مسلم لیگ (ن)کے راشد منہاس ،پی پی 266 رحیم یار خان سے پیپلز پارٹی کے ممتاز علی ،پی پی290 ڈی جی خان سے مسلم لیگ (ن)کے علی احمد خان لغاری ، پی کے 91 کوہاٹ کی نشست پر سنی اتحاد کونسل کے دائود شاہ کو بھی کامیاب قرار دے کر نوٹیفکیشن جاری کردیئے گئے۔