ن لیگی رہنما عبدالقیوم قریشی کو دل کا دورہ،این آئی وی سی ڈی داخل

سکھر(اُردو پوائنٹ اخبارتازہ ترین - این این آئی۔ 28 اپریل2024ء) ن لیگی رہنما عبدالقیوم قریشی کو دل کا دورہ،این آئی وی سی ڈی داخل ،ورثاء کی جانب سے تھانہ سائٹ پولیس کی جانب سے مبینہ ہراساں کرنے کا الزام،بالا حکام سے نوٹس لینے کا مطالبہ تفصیلات کے مطابق پاکستان مسلم لیگ ن کے مرکزی صوبائی کونسل کے رکن معروف سماجی رہنما عبدالقیوم قریشی گذشتہ روز دل کا دورہ پڑنے کے باعث این آئی وی سی ڈی اسپتال پہنچ گئے جہاں ڈاکٹروں نے انہیں طبی امداد فراہم کی عبدالقیوم قریشی کے ورثاء نے اسپتال کے باہر میڈیا سے گفتگو کے دوران بتایا کہ ان پر تھانہ سائیٹ پولیس نے جھوٹا مقدمہ درج کیا تھا جس کی عدالت سے ضمانت کرائی گئی ہے اور تمام عدالتی دستاویزات تھانہ سائیٹ پولیس کو فراہم کئے گئے ہیں لیکن افسوس تھانہ سائیٹ پولیس کی جانب سے انہیں دن و رات فون پر حراساں کیا جارہا ہے اور مختلف فون نمبرز سے انہیں دھمکیاں دی جارہی ہے جو سراسر ظلم و زیادتی ہے اگر انہیں خدانخواستہ کچھ ہوا تو اس کی تمام تر ذمہ داری تھانہ سائیٹ ایریا پولیس پر عائد ہوگی انہوں نے بالاحکام سے نوٹس لیکر ملوث پولیس افسران و اہلکاروں کے خلاف قانونی کاروائی کا مطالبہ کرتے ہوئے تحفظ کی اپیل کی ہے۔