شی جن پھنگ کے پسندیدہ اقوال کا بین الاقوامی ورژن ہنگری میں نشر کردیا گیا

بڈا پسٹ(اُردو پوائنٹ اخبارتازہ ترین - این این آئی۔ 09 مئی2024ء) چین کے صدر شی جن پھنگ کے ہنگری کے سرکاری دورے کے موقع پر چائنا میڈیا گروپ کی جانب سے تیار کردہ شی جن پھنگ کے پسندیدہ اقوال کا بین الاقوامی ورژن ہنگری کے قومی ٹیلی ویڑن سمیت مین سٹریم میڈیا پر نشر کیا گیا جس کی لانچنگ تقریب بڈاپیسٹ میں منعقد ہوئی۔چینی میڈ یا کے مطا بق مشترکہ خوشحالی اور سبز ترقی جیسے موضوعات پر توجہ مرکوز کرتے ہوئے ، "شی کے پسندیدہ اقوال" کا بین الاقوامی ورڑن صدر شی جن پھنگ کی تقاریر اور حوالہ دیئے گئے ،چینی کلاسکی اقوال کا انتخاب، بین الاقوامی نقطہ نظر سے چینی دانشمندی کی تشریح کرتا ہے اور صدر شی جن پھنگ کی شاندار سیاسی دانش مندی اور گہرے تاریخی و ثقافتی علوم سمیت چینی طرز کی جدیدیت کے ثقافتی ماخذ اور نتیجہ خیز کامیابیوں کو ظاہر کرتا ہے۔

(جاری ہے)

سی پی سی کی مرکزی کمیٹی کے محکمہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے اپنے خطاب میں کہا کہ "شی جن پھنگ کے پسندیدہ اقوال " کا بین الاقوامی ورڑن ہنگری کے دوستوں کے لیے شی جن پھنگ کے گورننس کے نظریات اور چین کی شاندار روایتی ثقافت کو سمجھنے کے لیے ایک دریچہ کھولتا ہے۔ انہوں نے کہا کہ چائنا میڈیا گروپ ہنگری کے دوستوں کے ساتھ مل کر چین اور ہنگری کے درمیان ثقافتی تبادلوں اور تہذیبوں کے مابین باہمی سیکھ کو فروغ دینے اور چین-ہنگری کے دوستانہ تعاون پر مبنی تعلقات میں ایک نیا باب لکھنے کے لیے مل کر کوشش کرنے کا خواہاں ہے۔