بائیڈن انتظامیہ اسرائیل کو ایک ارب ڈالر کے اسلحے اور بارود کا نیا پیکج بھجوا رہی ہے. اراکین کانگریس
پیکج میں ٹینکوں کے گولہ بارود کے لیے 70 کروڑ ڈالر، فوجی گاڑیوں کے لیے 50 کروڑ ڈالر اور چھ کروڑ ڈالر کے مارٹر گولے شامل ہیں. امریکی ادارے کی رپورٹ
میاں محمد ندیم بدھ 15 مئی 2024 11:30
(جاری ہے)
بائیڈن انتظامیہ نے کہا تھا کہ اسرائیل کو رفح کے شہر پر بم برسانے سے روکنے کے لیے بموں کی منتقلی روکی گئی تھی کانگریس کے عہدیداروں نے نام نہ بتانے کی شرط پر امریکی نشریاتی ادارے کو بتایا کہ اسرائیل کو اسلحہ بھجوانے کے معاملے پر بات کرتے ہوئے بتایا کہ پیکج میں ٹینکوں کے گولہ بارود کے لیے 70 کروڑ ڈالر، فوجی گاڑیوں کے لیے 50 کروڑ ڈالر اور چھ کروڑ ڈالر کے مارٹر گولے شامل ہیں تاہم اس حوالے سے کچھ نہیں بتایا گیا کہ اسرائیل کو فوجی پیکج کب بھجوایا جائے گا. یاد رہے کہ ایوان نمائندگان میں ریپبلکن ارکان اسرائیل کو ہتھیاروں کی فراہمی لازمی قرار دینے کے حوالے سے رواں ہفتے ایک بل پیش کرنے کی منصوبہ بندی کر رہے ہیں بائیڈن انتظامیہ کی جانب سے اسرائیل کو بموں کی ترسیل روکنے پر ریپبلکن ارکان نے تنقید کی تھی اور کہا تھا کہ یہ اقدام مشرق وسطیٰ میں اپنے قریبی اتحادی کو ترک کرنے کے مترادف ہے. وائٹ ہاﺅس نے گزشتہ روز کہا تھا کہ بل کانگریس سے منظور ہونے کی صورت میں صدر جو بائیڈن اسے ویٹو کر دیں گے تاہم ایوان نمائندگان میں ڈیموکریٹ ارکان اس تمام معاملے پر منقسم دکھائی دیتے ہیں ان میں سے متعدد نے بائیڈن انتظامیہ کو خط بھی لکھا ہے اور کہا ہے کہ بموں کی منتقلی روک کر جو پیغام بھیجا گیا ہے اس پر انہیں گہری تشویس ہے. بائیڈن انتظامیہ میں عہدیداروں کا کہنا ہے کہ اسرائیل کو ہتھیاروں کی فراہمی لازمی قرار دینے سے متعلق قانون سازی پر وائٹ ہاﺅس ایوان کے متعدد ارکان سے رابطے میں ہے. وائٹ ہاﺅس کی پریس سیکرٹری کیرین ژاں پئیر نے رواں ہفتے کہا تھا کہ ہم امریکی خارجہ پالیسی اور قومی سلامتی کے مقاصد کے مطابق سکیورٹی امداد کی تعیناتی کے لیے صدر کی صلاحیت کو محدود کرنے کی کوششوں کی سختی سے مخالفت کرتے ہیں.
مزید اہم خبریں
-
بھارتی انتخابات: ووٹوں کی گنتی جاری تاہم مودی کو سبقت
-
اسلام آباد ہائیکورٹ کا پی ٹی آئی کا دفتر فوری ڈی سیل کرنے کا حکم
-
ایرانی یورینیم ذخائر میں اضافے پر آئی اے ای او کو تشویش لاحق
-
دنیا افغانستان کے سیلاب زدہ بچوں کی مدد کریں، یونیسف کی اپیل
-
برطانیہ میں تارک وطن محنت کشوں کے حقوق کو لاحق خطرات پر تشویش
-
خیبرپختونخواہ حکومت کا صحت کارڈ پر مفت علاج کی سہولت 10 لاکھ سے بڑھا کر 20 لاکھ روپے کرنے کا اعلان
-
سیاستدانوں کو سرخ لکیر کھینچنی پڑے گی کہ تیسری قوت کے ہاتھوں نہیں کھیلیں گے
-
وزیراعظم کو مکمل حق ہے کہ اگر مفادات کو ٹھیس پہنچ رہی ہو تو خاموش نہ بیٹھے
-
وزیر اعلٰی مریم نواز کا "ہمت کارڈ" منصوبہ شروع کرنے کا فیصلہ
-
تمام کیسز جھوٹے ہیں، کیسز کا سامنا کر کے سرخرو ہوں گا
-
قوم 2800 ارب روپے اس بجلی کے ادا کرے گی جو استعمال ہی نہیں کی گئی
-
آج سائفر کیس وڑ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.