شیخوپورہ :3 سکیورٹی گارڈ کی اجتماعی زیادتی کا نشانہ بننے والی متاثرہ خاتون نے خودکشی کرلی
وزیراعظم اوروزیراعلی نے واقعہ کا نوٹس لے لیا، رپورٹ طلب
بدھ 15 مئی 2024 22:40
(جاری ہے)
ڈسٹرکٹ ہیڈ کوارٹر ہسپتال کے ذیلی ادارہ شہباز شریف مدر اینڈ چلڈرن کمپلیکس میں پرائیویٹ کمپنی کے سیکیورٹی گارڈوں کی حوس کا نشانہ بننے کے بعد خودکشی کرنے والی طلاق یافتہ لڑکی مہوش بی بی کی ہلاکت کے بارے میں وزیراعظم میاں شہباز شریف اور وزیراعلیٰ مریم نواز نے فوری طور پر رپورٹ طلب کر لی ہے پولیس نے ڈی پی او بلال ظفر شیخ کی ہدایت پر 3 سکیورٹی گارڈوں کے خلاف درج ہونے والے اغوائ کے مقدمہ کو گینگ ریپ کیس میں تبدیل کر دیا ہے اور حکومت پنجاب نے ڈی ایچ کیو ہسپتال اور اس کے ذیلی اداروں میں کام کرنے والی پرائیویٹ سیکیورٹی کمپنی کے بارے میں بھی رپورٹ طلب کر لی ہے باخبر ذرائع کے مطابق حکومت کی ہدایت کے برعکس اس سیکیورٹی کمپنی میں کام کرنے والے کئی ملازمین کی سپیشل برانچ اور دیگر خفیہ اداروں سے کلیئرنس نہیں کروائی گئی تھی اس بارے میں چیف ایگزیکٹیو آفیسر ڈسٹرکٹ ہیلتھ اتھارٹی ڈاکٹر پرویز اقبال نے بھی تحقیقات کے لیے ایک کمیٹی تشکیل دے دی ہے گینگ ریپ کا شکار ہونے والی شیخوپورہ کے محلہ طارق روڈ کی رہائشی طلاق یافتہ خاتون مہوش بی بی نے بے بسی، انصاف نہ ملنے، ندامت اور ضمیر کا بوجھ برداشت نہ کرتے ہوئے اپنی زندگی کا خاتمہ زہریلی گولیاں کھا کر کیا تھا جس کے مرنے کے بعد اغوائ کیس کی بازگشت اعلیٰ حکام تک پہنچی باخبر ذرائع کے مطابق خاتون مہوش بی بی 9 اپریل کو شہباز شریف مدر اینڈ چلڈرن کمپلیکس میں زیر علاج اپنی بھانجی کی تیمارداری کے لیے گئی تھی جہاں اسے سیکیورٹی گارڈوں نے بھانجی کو ڈاکٹر سے چیک اپ کروانے کے بہانے اپنے پاس بلایا اور اسے شہباز شریف مدر اینڈ چلڈرن کمپلیکس کے عقبی حصہ میں لے جا کر اجتماعی زیادتی کا نشانہ بنا ڈالا مگر تھانہ صدر پولیس نے مہوش بی بی کے ساتھ گینگ ریپ کو چھپانے کی خاطر اس کی بیوہ والدہ عذرا بی بی جو گیلانی سٹریٹ طارق روڈ کی رہائشی ہے کی مدعیت میں اس کی بیٹی کے اغوائ کا مقدمہ 3 سیکیورٹی گارڈوں کاظم، عدیل اور حافظ کے خلاف درج کر لیا جس کے بعد اعلیٰ حکام تک اس دلخراش واقعہ کی رپورٹس پہنچنے پر پولیس نے ایک گارڈ کاظم کو گرفتار کیا تو اس نے پولیس کے روبرو اعتراف جرم کرتے ہوئے بتایا کہ تینوں گارڈوں نے خاتون سے زبردستی گینگ ریپ کیا ہے ذرائع کے مطابق ملزم کے اعتراف جرم کے بعد پولیس کو احساس ہوا کہ اغوائ شدہ مطعلقہ خاتون کے اغوائ کا مقدمہ بھی غلط درج ہوا ہے یہ مقدمہ زیر دفعہ 365 / بی ت پ کے تحت درج کیا گیا ہے حالانکہ یہ مقدمہ زیر دفعہ 496 / اے کے تحت درج ہونا چاہیے تھا جس کے بعد پولیس نے اس کیس میں 496 / اے اور اجتماعی زیادتی کی دفعہ 376 ت پ کا اضافہ کر دیا دریں اثنائ ڈی پی او بلال ظفر شیخ نے ایڈیشنل ایس پی فرحت عباس کی نگرانی میں اس کیس کی تفتیش کے لیے ایک خصوصی ٹیم تشکیل دے دی ہے اور دیگر دو گارڈوں کی گرفتاری کی بھی ہدایت جاری کی ہے ڈی پی او نے ہدایت جاری کی ہے کہ ڈی ایچ کیو ہسپتال کی سیکیورٹی کمپنی کے تمام عملے کی فوری طور پر سپیشل برانچ سے کلیئرنس کروائی جائے، ڈی ایچ کیو ہسپتال اور اس کے ذیلی اداروں میں نصب سی سی ٹی وی کیمروں کو فنکشنل کیا جائے اور سیکیورٹی کے عملے کے حوالے سے گذشتہ 3 چار سالوں کے دوران ہونے والے واقعات کی بھی تحقیقاتی رپورٹ مرتب کی جائے۔
مزید قومی خبریں
-
سپیکر و ڈپٹی سپیکر قومی اسمبلی کا واشک کے مقام پر پیش آنے والے بس حادثے پرافسوس کا اظہار
-
وزیراعلیٰ پنجاب نے سرگودھا شہر کے کھلے مین ہول میں گر کر جاںبحق تین بچوں کے نوجوان باپ کی موت کا نوٹس لے لیا
-
ہر پاکستانی سالانہ 115 کلو آٹا کھاتا ہے،محکمہ خوراک
-
وزیر اعلیٰ بلوچستان میر سرفراز بگٹی کا بسیمہ کے قریب بس حادثے پر افسوس کا اظہار
-
واپڈا کی دریاؤں اور آبی ذخائر میں پانی کی صورتحال بارے رپورٹ جاری
-
نیب میں 573حاضرسروس ملازمین کیخلاف 70ارب کے کرپشن کیسز چلنے کا انکشاف
-
سیمنٹ کی قیمتوں میں ہفتہ وار بنیادوں پر معمولی اضافہ ریکارڈ
-
لاہور، بیوی سے جھگڑے پر باپ نے غصے میں 3ماہ کے بیٹے کو پٹخ ڈالا
-
حکومت کا بیرون ملک میڈیکل تعلیم کیلئے این او سی کی شرط نافذ کرنے کا فیصلہ
-
غلط بیانیے کے ذریعے ریاست اور نوجوانوں میں خلیج پیدا کی گئی،سرفرازبگٹی
-
فلسطین کی آزادی اور خود مختاری کیلئے دنیا اکٹھی ہو رہی ہے‘علیم خان
-
نواز شریف کو ایک سازش کے تحت نا اہل کیا گیا‘ اسحاق ڈار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.