غلط بیانیے کے ذریعے ریاست اور نوجوانوں میں خلیج پیدا کی گئی،سرفرازبگٹی

منگل 28 مئی 2024 18:56

کوئٹہ(اُردو پوائنٹ اخبارتازہ ترین - آن لائن۔ 28 مئی2024ء) وزیراعلیٰ بلوچستان سرفراز بگٹی کا کہنا ہے کہ غلط بیانیے کے ذریعے ریاست اور نوجوانوں میں خلیج پیدا کی گئی، نوجوانوں کو تنہا نہیں چھوڑیں گے، ہر سطح پر ان کی بات سنیں گے، سماجی اقدار میں پختہ شعور کے بغیر سوشل میڈیا نے قوم کو تقسیم کیا،نوجوانوں کے ساتھ ڈائیلاگ کا عمل جاری رکھیں گے۔وزیراعلیٰ بلوچستان نے کوئٹہ میں منعقدہ 13ویں نیشنل ورکشاپ بلوچستان کی اختتامی تقریب میں شرکت کے بعد اپنے خطاب میں مزید کہا کہ نوجوانوں سے ہر فورم پر دلائل کے ساتھ بات چیت کیلئے تیار ہیں۔

)نوجوانوں کی رہنمائی پر مشتمل سرگرمیوں کی حوصلہ افزائی کریں گے۔ نیشنل ورکشاپ کے ذریعے قومی سطح پر بلوچستان کا حقیقی تصور واضح ہوا۔

(جاری ہے)

عالمی دنیا پیشگی تیاری کے بعد سوشل میڈیا پلیٹ فارم کی جانب گئی، سماجی اقدار میں پختہ شعور کے بغیر سوشل میڈیا نے ہماری قوم کو تقسیم کیا۔صحت مند معاشرے میں انفرادی رائے رکھنا ہر کسی کا جمہوری حق ہے، ذاتی رائے کو زمینی حقائق اور سچائی کے پیمانے ے ناپنا ضروری ہے، کسی بھی مقبول بیانیے کی گہرائی میں تصدیق ضروری ہے۔

وزیرِ اعلیٰ بلوچستان میر سرفراز بگٹی کا مزیدکہنا تھا کہ nپاکستان کے خلاف ہر طرح کی سازشیں ناکام بنائیں گے، دہشت گردی کے عفریت، مذہبی اور لسانی بنیادوں پر قوم کو تقسیم کرنے کی سازشیں کی گئیں، پاک افواج اور قوم نے قومی یک جہتی سے ملک کے خلاف ہر طرح کی سازشوں کو ناکام بنایا۔ نیشنل ورکشاپ سے قومی سطح پر بلوچستان کا حقیقی چہرہ واضح ہوا ہے، ورکشاپ میں شامل تمام صوبوں کے شرکائ کو صوبے کے زمینی حقائق سے آگاہی حاصل ہوئی، حکومت بلوچستان نوجوانوں کی رہنمائی پر مشتمل سرگرمیوں کی حوصلہ افزائی کرے گی۔