۵وزیر صحت سید قاسم علی شاہ نے مشیر سیاحت زاہد چن زیب کو مانسہرہ کیلئے موبائل ہسپتال کی چابیاں حوالے کر دیں

ٰپشاور(اُردو پوائنٹ اخبارتازہ ترین - آن لائن۔ 15 مئی2024ء) خیبرپختونخوا کے وزیر صحت سید قاسم علی شاہ اور مشیر برائے سیاحت زاہد چن زیب نے وارسک روڈ پر واقع ڈائریکٹوریٹ جنرل ہیلتھ سروسز کا دورہ کیا۔ اس موقع پر منعقدہ ایک سادہ مگر پروقار تقریب کے دوران وزیر صحت سید قاسم علی شاہ نے مشیر سیاحت زاہد چن زیب کو انکے حلقہ نیابت پی کے 38 مانسہرہ میں دور دراز پسماندہ مگر سیاحتی علاقوں کے مریضوں کیلئے جدید موبائل ہسپتال اور اسکی چابیاں حوالے کیں۔

نظامت صحت کے ایڈیشنل ڈی جی ایڈمسنٹریشن ڈاکٹر سراج اور ڈی ایچ او مانسہرہ مشتاق تنولی بھی اس موقع پر موجود تھے۔ موبائل ہسپتال بارے بریفنگ دیتے ہوئے ایڈیشنل ڈائریکٹر جنرل ڈاکٹر سراج کا کہنا تھا کہ اس موبائل ہسپتال میں فرسٹ ایڈ، گائنی، چلڈرن و جنرل چیک اپ سمیت علاج کی جدید سہولیات دستیاب ہیں اور اسے دور دراز علاقوں میں میڈیکل کیمپس کیلئے خصوصی طور پر تشکیل دیا گیا ہے۔

(جاری ہے)

مشیر سیاحت زاہد چن زیب نے اس موقع پر اپنے تاثرات میں کہا کہ وہ انکے حلقہ کے لوگ وزیر صحت و ڈائریکٹوریٹ جنرل ہیلتھ کے مشکور ہیں کہ ہمارے غریب عوام کیلئے یہ سہولت فراہم کی۔ مستقبل میں بھی ایسی سہولیات فراہم کی جائینگی .انہوں نے کہا کہ یہ موبائل مانسہرہ کے پسماندہ علاقوں کے علاؤہ وہاں کے سیاحتی مقامات میں بھی بروئے کار لایا جائے گا۔

وزیر صحت سید قاسم علی شاہ کا اس موقع پر کہنا تھا کہ مانسہرہ جیسے پسماندہ علاقوں میں صحت کی بہترین سہولیات عوام کی دہلیز پر مہیا کرنے کی کوششیں جاری رکھیں گے۔ انہوں نے کہا کہ ہم پی ٹی آئی کے بانی چئرمین عمران خان کے ویژن کے مطابق صوبے کے ہر کونے میں صحت کی بہترین سہولیات فراہم کرینگے۔ 15-05-24/--329 #h# موٹرسائیکل سوار تین مسلح برداد ملزمان نے چاول ڈیلر پر اسلحہ تان کر 10 لاکھ روپے چھین لیے مزاحمت کرنے ملزمان نے ڈیلر کو شدید زخمی کردیا #/h# پشاور(آن لائن)پولیس تھانہ شہید گلفت حسین (ہشتنگری)کے حدود میں روز روشن موٹرسائیکل سوار تین مسلح برداد ملزمان نے چاول ڈیلر پر اسلحہ تان کر 10 لاکھ روپے چھین لیے مزاحمت کرنے ملزمان نے ڈیلر کو شدید زخمی کردیا واضح رہے کہ ایک ہفتہ قبل بھی نقاب پوش موٹر سائیکل سوار ملزمان نے مولوی جی ہسپتال کے قریب ساڑے پانچ لاکھ روپے چھین لیے تھے تاہم اس وقوعہ کی ایف اء ار تاحال درج نہیں کی گئی۔

15-05-24/--330 #h# وزیر اعلیٰ خیبر پختونخوا سردار علی امین خان گنڈاپور کی زیر صدارت اگلے مالی سال کے ترقیاتی پروگرام کی تیاری سے متعلق اجلاسوں کا تیسرا راونڈ #/h# /پشاور(آن لائن)وزیر اعلیٰ خیبر پختونخوا سردار علی امین خان گنڈاپور کی زیر صدارت اگلے مالی سال کے ترقیاتی پروگرام کی تیاری سے متعلق اجلاسوں کا تیسرا راونڈ گزشتہ بدھ کے روز منعقد ہوا جس میں محکمہ بلدیات، ایکسائز، اوقاف اور دیگر محکموں کے مجوزہ ترقیاتی منصوبوں پر تفصیلی غوروخوص کیا گیا جبکہ مذکورہ محکموں کے جاری ترقیاتی منصوبوں پر پیشرفت کا بھی جائزہ لیا گیا۔

مذکورہ محکموں کے جاری اور مجوزہ منصوبوں کے لئے فنڈز کی الوکیشن اور دیگر امور پر بھی تفصیلی تبادلہ خیال کیاگیا۔ وزیر اعلی نے محکمہ ایکسائز کو غیر مجاز افراد کے زیر استعمال ایکسائز گاڑیوں کی ریکوری کے لئے فوری اقدامات اٹھانے کی ہدایت کی اور واضح کیا کہ ایسے تمام افراد کو گاڑیاں واپس کرنے کے لئے نوٹسز جاری کئے جائیں، مقررہ وقت میں گاڑیاں واپس نہ کرنے کی صورت میں ان کے خلاف پرچے درج کئے جائیں اور ایسے تمام لوگوں کے خلاف بلا امتیاز کارروائی کی جائے۔

وزیر اعلی نے محکمہ اوقاف کی جائیدادوں پر سے غیر قانونی قبضہ چھڑانے کے لئے کاروائی عمل میں لانے کی بھی ہدایت کی ہے اور کہا ہے کہ صوبہ بھر میں میں محکمہ اوقاف کی تمام زرعی اور کمرشل جائیدادوں کی تفصیلی رپورٹ تیار کی جائے۔ انہوں نے مزید ہدایت کی کہ صوبائی حکومت کی آمدن میں اضافے کے لئے ان جائیدادوں کے موثر استعمال کے لئے لائحہ عمل تیار کیا جائے اور اس مقصد کے لئے ایسٹس منیجمنٹ کا جدید نظام وضع کیا جائے۔

وزیر اعلی کا کہنا تھا کہ یہ جائیدادیں صوبے کے عوام کی ہیں، ان کا فائدہ مخصوص افراد کی بجائے عوام کو پہنچنا چاہیے، کسی کو بھی یہ جائیدادیں اپنے ذاتی مفاد کے لئے استعمال کی اجازت نہیں دی جائے گی۔ علاؤہ ازیں وزیر اعلیٰ نے دینی مدارس کی سولرائزیشن اور مدارس کے طلبہ کو فنی تعلیم سکھانے کے لئے منصوبے تجویز کرنے کی ہدایت کی ہے۔ اسی طرح انہوں نے ہدایت کی کہ اگلے سالانہ ترقیاتی پروگرام میں اقلیتی برادری کی فلاح و بہبود کے منصوبے بھی تجویز کئے جائیں۔

وزیر اعلی نے اس موقع پر گفتگو کرتے ہوئے جنگلات کے تحفظ اور فروغ کو اپنی حکومت کی اہم ترجیحات کا حصہ قرار دیتے ہوئے ہدایت کی کہ جنگلات کے بہتر انتظام و انصرام اور تحفظ کیلئے سائینٹفک منیجمنٹ کا نظام متعارف کیا جائے۔ وزیر اعلی کا کہنا تھا کہ صوبے کے جنگلاتی رقبے میں اضافے کے لئے بلین ٹری پلس منصوبہ شروع کیا جائے گا۔ انہوں نے متعلقہ حکام کو جنگلی حیات کے تحفظ کے لئے بھی ٹھوس اقدامات تجویز کرنے کی ہدایت کی ہے۔