اسلام آباد،رئوف حسن پر حملے کا مقدمہ تھانہ آبپارہ میں درج

بدھ 22 مئی 2024 16:47

اسلام آباد (اُردو پوائنٹ اخبارتازہ ترین - این این آئی۔ 22 مئی2024ء) پاکستان تحریک انصاف کے مرکزی سیکریٹری اطلاعات رف حسن پر حملے کی فرسٹ انفارمیشن رپورٹ (ایف آئی آر)تھانہ آبپارہ میں درج کر دی گئی۔مقدمہ تھانہ آبپارہ میں رف حسن کی مدعیت میں درج کیا گیا ہے، مقدمے میں چار نامعلوم خواجہ سراں کو نامزد کیا گیا ہے۔متن مقدمہ میں کہا گیا کہ پاکستان تحریک انصاف کا ترجمان ہوں اور مختلف چینلز میں اپنی جماعت کی نمائندگی کرتا ہوں، نجی چینل سے پروگرام ریکارڈنگ کے بعد پارکنگ کی طرف جا رہا تھا، ایک شخص جو بظاہر خواجہ سرا معلوم ہوتا ہے اس نے باقاعدہ منصوبہ بندی کے تحت روک کر حملہ کیا۔

ایف آئی آر کے مطابق انہوںنے کہاکہ اس کے دیگر تین ساتھی بھی آگئے، جنہوں نے مجھ پر تیز دھار آلے سے حملہ کردیا، ملزمان میری گردن پر حملہ کر رہے تھے کہ اس دوران چہرے پر شہ رگ کے قریب تیز دھار آلہ لگ گیا۔

(جاری ہے)

متن مقدمہ کے مطابق رف حسن نے کہا کہ ملزمان مجھے جان سے مارنے کی دھمکیاں بھی دے رہے تھے، ملزمان نے دو دن پہلے ایک نجی چینل کے آفس میں بھی مجھے روک کر حملہ کیا تھا۔متن مقدمہ میں کہا گیا کہ کسی سے ذاتی دشمنی نہیں پی ٹی آئی کا ترجمان ہوں قانونی کارروائی کی جائے۔واضح رہے کہ گزشتہ روز پاکستان تحریک انصاف کے مرکزی سیکرٹری اطلاعات رف حسن اسلام آباد میں نامعلوم افراد کے حملے میں زخمی ہوگئے تھے۔