جس دن عمران خان سے ملاقات ہوگئی تمام اختلافات ختم ہو جائینگے ، شیر افضل مروت

بدھ 22 مئی 2024 22:28

پشاور (اُردو پوائنٹ اخبارتازہ ترین - آن لائن۔ 22 مئی2024ء) پاکستان تحریک انصاف کے رہنما شیر افضل مروت نے کہا ہے کہ بانی پی ٹی آئی سے جب ملاقات ہو گی تو تمام اختلافات ختم ہو جائیں گے۔پشاور ہائی کورٹ میں میڈیا سے گفتگو کرتے ہوئے شیر افضل مروت نے کہا کہ میرے بیان پر بانی پی ٹی آئی ناراض ہوئے تو بیان بازی سے اجتناب کا اعلان کیا۔

(جاری ہے)

انہوں نے کہا کہ میں کسی سے اختلافات نہیں رکھتا، لوگ مجھے نہیں چھوڑتے ہیں۔

شیر افضل مروت نے کہاکہ نگراں حکومت کے دور میں میرے خلاف دو درجن سے زائد کیسز بنائے گئے، تمام کیسز ہائی کورٹ میں چیلنج کیے، عدالت نے میری گرفتاری روک دی ہے۔پی ٹی آئی رہنما نے کہا کہ القادر ٹرسٹ کیس میں بانی چیئرمین کو سزا ہوتی ہے تو یہ سیاسی انتقام ہوگا، اسی طرح کیسز اور سزائیں دیتے رہیں گے تو پھر اس کا نتیجہ احتجاج ہو گا۔