![UrduPoint](https://photo-cdn.urdupoint.com/daily/images/Logos/up-logo-mobile-ur.png)
رفح کے قریب پناہ گزینوں کے کیمپ پر اسرائیلی حملے میں 75 فلسطینی شہید ہوگئے
عالمی برادری اسرائیلی فورسز کے ہاتھوں قتل عام بند کروانے کے لیے فوری طور مداخلت کرے .سعودی وزارت خارجہ
میاں محمد ندیم
پیر 27 مئی 2024
18:48
![رفح کے قریب پناہ گزینوں کے کیمپ پر اسرائیلی حملے میں 75 فلسطینی شہید ..](https://photo-cdn.urdupoint.com/show_img_new/daily/todayNewsLive/2024/800x400/pic_2ddeb_1716817684.jpg._2)
(جاری ہے)
سعودی عرب نے عالمی برادری پر زور دیا کہ وہ اسرائیلی فورسز کے ہاتھوں قتل عام بند کروانے کے لیے فوری طور مداخلت کرے تاکہ فلسطینی عوام کو جس بڑے انسانی بحران کا سامنا ہے اسے مزید سنگین ہونے سے روکا جا سکے.
دوسری جانب اقوام متحدہ کے فلسطینی پناہ گزینوں کے ادارے (یو این آر ڈبلیو اے) نے کہا ہے کہ رفح میں پناہ لینے والے خاندانوں پر حملوں کی اطلاعات خوفناک ہیں یو این آر ڈبلیو اے نے” ایکس“ پر پیغام میں کہا ہے کہ پناہ کے متلاشی خاندانوں پر مزید حملوں کے بارے میں رفح سے آنے والی معلومات خوفناک ہیں. عرب نشریاتی ادارے کے مطابق غزہ میں وزارت صحت نے ایک بیان میں بتایاہے کہ رفح کے قریب فلسطینی پناہ گزینوں کے ایک کیمپ پر حملے میں 75 فلسطینی شہید ہوئے ہیںجبکہ زخمیوں میںبڑی تعداد عورتوں اور بچوں کی ہے بیان میں اسے خوفناک قتل عام قرار دیا گیاہے. اسرائیلی افواج نے بے گھر افراد کے خیموں کو نشانہ بنایا اسرائیلی فوج نے انسانی آبادیوں کے لیے ممنوعہ دو ہزار پاﺅنڈ وزنی بموں کا استعمال کیا جس کے نتیجے میں آگ لگ گئی اور بیشتر افراد نے موقع پر ہی دم توڑ دیا. ادارے نے فلسطینی ہلال احمر سوسائٹی کے حوالے سے بتایا کہ تل السلطان کے علاقے میں قائم پناہ گزین کیمپوں میں بمباری کی وجہ سے شدید آگ لگ گئی جس کی وجہ سے اکثر افراد زندہ جل گئے اسرائیلی فوج نے دو ہزار پاﺅنڈ وزنی بموں کا استعمال کیا جبکہ اسرائیل نے حماس کے کمپاﺅنڈ کو نشانہ بنانے اور دو سینئر اہلکاروں کو مارنے کا دعویٰ کیا ہے. ہلال احمر نے بتایا ہے کہ رفح میں واقع اس کے فیلڈ ہسپتال میں لانے والے مریضوں کی تعداد بڑھ رہی ہے جبکہ دیگر ہسپتال بھی بڑی تعداد میں مریضوں کو منتقل کیا جارہا ہے غزہ کے کویت ہسپتال میں پہنچنے والے ایک زخمی نے بتایا کہ اسرائیلی فوج کے فضائی حملوں سے خیمے جل کر خاکستر ہوگئے جبکہ وہاں مقیم افراد کی بھی زندہ جل گئے . حماس کے سینئر عہدیدار سامی ابو زہری نے رفح میں ہونے والے حملے کو قتل عام قرار دیتے ہوئے امریکا کو ذمہ دار ٹھہرایا کہ وہ اسرائیل کو ہتھیار اور رقم فراہم کررہا ہے.مزید اہم خبریں
-
وزیر اعظم کے قریبی ساتھی نے 2 دن بعد عمران خان کی رہائی کا امکان ظاہر کر دیا
-
عمران خان اگر باہر بھی آجاتا ہے کوئی طوفان نہیں آجائے گا
-
شاہد خاقان عباسی کی جماعت کا نام عوام پاکستان پارٹی لیکن وہ مالک ایئرلائن کے ہیں
-
عوام کی منظوری کے بغیر خیبر پختونخوا میں کوئی آپریشن نہیں ہوگا‘علی محمد خان
-
وزیر خزانہ کا وفاقی بجٹ کے دوران پارلیمنٹ ہائوس میں خدمات سرانجام دینے والے سینیٹ، قومی اسمبلی، سی ڈی اے، اے پی پی، پی ٹی وی اور ریڈیو پاکستان کے ملازمین کو 3 بنیادی تنخواہوں کے برابر اعزازیہ دینے ..
-
بلاول بھٹوکیخلاف نازیبا الفاظ کیس ، شیخ رشید کی اخراج مقدمہ کی درخواستیںمنظور،مقدمات خارج
-
کوئی سمجھتا ہے بطور وزیراعلیٰ بلیک میل کرلے گا تو وہ غلط فہمی کا شکار ہے، طلال چوہدری
-
آپریشن عزم استحکام کا ماضی کے آپریشنز سے موازنہ درست نہیں ، خواجہ آصف
-
احمقانہ ٹیکس واپس لئے جائیں تومشاورت بھی کرینگے اور ساتھ بھی دیں گے‘ بلاول بھٹو
-
نہ ڈھیل دیں گے ،نہ ڈیل کریں گے ،اپوزیشن الائنس بن گیا ، اسد قیصر
-
نیازی نے گولڈسمتھ کو سپورٹ کیا،صادق خان مسلمان کا ساتھ نہ دیا،شازیہ مری
-
جو دکاندار ایف بی آر کی تاجر سکیم کا حصہ نہیں بنتے سخت کاروائی ہوگی‘ وزیرخزانہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.