ڈونلڈ ٹرمپ 4 ستمبر کو کملا ہیرس سے مباحثے کیلئے رضامند

کملا ہیرس کے ساتھ مباحثے کے قواعد جوبائیڈن کے ساتھ مباحثے والے ہی رہیں گے،امریکی صداتی امیدوار

ہفتہ 3 اگست 2024 14:46

ڈونلڈ ٹرمپ 4 ستمبر کو کملا ہیرس سے مباحثے کیلئے رضامند

واشنگٹن(اُردو پوائنٹ اخبارتازہ ترین - این این آئی۔ 03 اگست2024ء) امریکی صدارتی امیدوار ڈونلڈ ٹرمپ 4ستمبر کو اپنی حریف کملا ہیرس سے مباحثے کیلئے امریکی چینل فاکس نیوز کی پیشکش پر رضا مند ہوگئے۔غیرملکی میڈیا کے مطابق ڈونلڈ ٹرمپ نے کملا ہیرس کیساتھ مباحثے میں فل ارینا آڈیئنس کی شرط رکھی ہے۔

(جاری ہے)

ریپبلکن صدارتی امیدوار ڈونلڈ ٹرمپ نے سوشل میڈیا پر جاری پیغام میں کہا کہ کملا ہیرس کے ساتھ 4ستمبر کو صدارتی مباحثے کی فاکس نیوز کی پیشکش پر رضا مند ہوں۔ڈونلڈ ٹرمپ نے اس حوالے سے کہا کہ کملا ہیرس کے ساتھ مباحثے کے قواعد جوبائیڈن کے ساتھ مباحثے والے ہی رہیں گے۔غیرملکی میڈیا کے مطابق فاکس نیوز کا صدارتی مباحثہ پنسلوینیا میں ہوگا۔