بارہ ملزمان گرفتار ، منشیات اور اسلحہ و ایمونیشن برآمد

راولپنڈی (اُردو پوائنٹ اخبارتازہ ترین - اے پی پی۔ 04 اگست2024ء) سی پی او سید خالد ہمدانی کی ہدایت پر راولپنڈی پولیس کا منشیات فروشوں ، شراب سپلائرز اور ناجائز اسلحہ رکھنے والوں کے خلاف کریک ڈاؤن جاری ہے ۔ گزشتہ روز 12 ملزمان گرفتار کر کے چرس ، شراب ، اسلحہ و ایمونیشن برآمد کر لیا گیا۔ ترجمان راولپنڈی پولیس کے مطابق کہوٹہ پولیس نے ملزم خیام گل سے ایک کلو 250 گرام چرس، ملزم جنید سے 550 گرام چرس، سول لائنز پولیس نے ملزم نواز سے ایک کلو 60 گرام چرس، ملزم رضوان سے 600 گرام چرس، گوجر خان پولیس نے ملزم خلعت عباس سے 820 گرام چرس، کلر سیداں پولیس نے ملزم وحید سے 520 گرام چرس، چکری پولیس نے ملزم شان سے 30 بور پستول معہ ایمونیشن، کہوٹہ پولیس نے ملزم آصف سے 25 روند پستول 30 بور، کلر سیداں پولیس نے ملزم اویس سے 30 بور پستول معہ ایمونیشن، آر اے بازار پولیس نے ملزم احمد سے 30 بور پستول معہ ایمونیشن، ملزم ندیم سے 30 لیٹر شراب اور ملزم ساگر سے 20 لیٹر شراب برآمد کر کے ملزمان کے خلاف الگ ، الگ مقدمات درج کر لیے ۔

(جاری ہے)

ڈویژنل ایس پیز کا کہنا ہے کہ نوجوان نسل کی رگوں میں منشیات کا زہر اتارنے والے ملزمان قانون کی گرفت سے نہیں بچ سکتے ، ہوائی فائرنگ اور ناجائز اسلحہ رکھنے والوں کے خلاف کارروائیوں میں مزید تیزی لائی جا رہی ہے، ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی۔