غریدہ فاروقی کی درخواست پروی لاگر عمرعادل گرفتار

اہانت آمیز ویڈیو سے ساکھ کو دھچکا لگا، ایف آئی اے کے نام درخواست میں خاتون ٹی وی اینکر کا موقف

بدھ 7 اگست 2024 12:47

غریدہ فاروقی کی درخواست پروی لاگر عمرعادل گرفتار

لاہور(اُردو پوائنٹ اخبارتازہ ترین - این این آئی۔ 07 اگست2024ء) لاہور میں ایف آئی اے سائبر کرائم ونگ نے خاتون اینکر کی درخواست پر مقدمہ درج کرکے وی لاگر عمر عادل کو گرفتار کرلیا۔معروف ٹی وی اینکر غریدہ فاروقی نے اپنی درخواست میں ایف آئی اے سائبر کرائم ونگ کو بتایا تھا کہ ڈاکٹر عمر عادل نے سوشل میڈیا پر گفتگو میں اٴْنہیں ہدفِ تنقید بنایا اور توہین آمیز انداز اختیار کیا۔

(جاری ہے)

غریدہ فاروق کا اپنی درخواسست میں دعوٰی تھا کہ ڈاکڑ عمر عادل نے جو زبان استعمال کی اٴْس سے ان کی ساکھ کو نقصان پہنچا۔ٹی وی اینکر کا یہ بھی دعوٰی ہے کہ سوشل میڈیا پر وائرل ہونے والی عمر عادل کی ویڈیو نے اٴْن کا وقار مجروح کیا ہے۔ نجی زندگی میں در اندازی سے ساکھ کو شدید دھچکا لگا ہے۔ایف آئی اے سائبر کرائم ونگ نے پوچھ گھچھ کے لیے آنے والے عمر عادل کو گرفتار کرنے کے بعد تحقیقات کا دائرہ وسیع کردیا ہے۔