پاکستان سٹاک ایکسچینج میں کاروباری ہفتہ کے اختتام پرتیزی کارحجان،100انڈیکس 695.36 پوائنٹس اضافہ کے بعد78569.58 پوائنٹس پربند

جمعہ 9 اگست 2024 22:40

اسلام آباد (اُردو پوائنٹ اخبارتازہ ترین - اے پی پی۔ 09 اگست2024ء) پاکستان سٹاک ایکسچینج میں جمعہ کوکاروباری ہفتہ کے اختتام پرتیزی کارحجان رہا اورکے ایس ای 100انڈیکس 695.36 پوائنٹس کے اضافہ کے بعد78569.58 پوائنٹس پربندہوا۔

(جاری ہے)

کاروباری سرگرمیوں کے دوران مجموعی طورپر445کمپنیوں کے حصص کالین دین ہوا، 225کمپنیوں کے حصص کی قیمتوں میں اضافہ، 156کی قیمتوں میں کمی اور64کمپنیوں کے حصص کی قیمتوں میں کوئی ردوبدل نہیں ہوا،کے ایس ای 30انڈیکس 236.17پوائنٹس کے اضافہ کے بعد25178.39 پوائنٹس اوراسلامی مالیات کاحامل کے ایم آئی 30انڈیکس 1607.41 پوائنٹس کے اضافہ کے بعد125649.41 پوائنٹس پربندہوا۔

فیوچر ٹریڈنگ کے تحت 6.952 ارب روپے کے سودے طے پائے۔مجموعی طورپر420.405 ملین حصص کالین دین ہوا جن کی مالیت 20.72 ارب روپے تھی۔کوہ نورسپننگ ملز کے 64781765 حصصِ، یوسف ویونگ ملز 24857519 حصص اورآرگینک میٹ کمپنی لمیٹڈ کے 18118186 حصص کالین دین ہوا۔یوسف ویونگ ملز، دیوان مشتاق ٹیکسٹائل ملز، اورکوہ نورسپننگ ملز سرفہرست تین ایڈوانسرکمپنیاں رہی۔مارکیٹ کیپٹلائزیشن کاحجم 37.3 ارب ڈالرریکارڈکیاگیا۔