محکمہ زراعت کی کاشتکاروں کو مولی کی اگیتی کاشت رواں ہفتہ کے دوران مکمل کرنے کی ہدایت

پیر 2 ستمبر 2024 15:01

فیصل آباد (اُردو پوائنٹ اخبارتازہ ترین - اے پی پی۔ 02 ستمبر2024ء) محکمہ زراعت نے کاشتکاروں کو مولی کی اگیتی کاشت رواں ہفتہ کے دوران مکمل کرنے کی سفارش کی ہے۔

(جاری ہے)

ریسرچ انفارمیشن یونٹ ایوب زرعی تحقیقاتی ادارہ فیصل آباد کے مطابق کاشتکار مولی کی کاشت کاعمل بروقت مکمل کرلیں تاکہ 40یوم والی مولی کی کاشت سے انہیں سوا ماہ کے بعد مولی کی پیداوار حاصل کرنے میں مدد مل سکے۔ انہوں نے کہاکہ مولی کی کاشت کیلئے 3کلوگرام بیج فی ایکڑ استعمال کرنا چاہیے اور پانی کے اچھے نکاس والی ذرخیز میرازمین کاانتخاب کرتے ہوئے بوائی سے قبل کھیت میں 12 سے15ٹن گوبر کی گلی سڑی کھاد فی ایکڑ بھی ڈالنی چاہیے تاکہ بہترین فصل کا حصول ممکن ہوسکے۔