بیرسٹر سیف کا بیان پست ذہنیت کی نشانی ہے،اسلم غوری

تحریک انصاف بیرسٹر سیف کے بیان کی وضاحت کرے،ترجمان جے یو آئی

اتوار 8 ستمبر 2024 18:15

سلام آباد (اُردو پوائنٹ اخبارتازہ ترین - این این آئی۔ 08 ستمبر2024ء) ترجمان جے یو آئی اسلم غوری نے پی ٹی آئی رہنماء بیرسٹر سیف کے بیان پر رد عمل کا اظہار کرتے ہوئے کہا ہے کہ بیرسٹر سیف کا بیان پست ذہنیت کی نشانی ہے۔اسلم غوری نے اپنے بیان میں کہاکہ تحریک انصاف بیرسٹر سیف کے بیان کی وضاحت کرے۔انہوںنے کہاکہ تحریک انصاف کو ایسے بدزبان لوگوں کو کنٹرول کرنا ہو گا۔

(جاری ہے)

انہوںنے کہاکہ بیرسٹر سیف پرویز مشرف کی آمریت کی نشانی ہے۔انہوںنے کہاکہ جے یوآئی اپنی تحریک اپنے زوروبازو سے چلا رہی ہے۔اسلم غوری نے کہاکہ مینار پاکستان کی تاریخ ساز عوامی اسمبلی نے بیرسٹر سیف اور اسکے آقاؤں کے پائوں تلے سے زمین سرکا دی ہے ۔ اسلم غوری نے کہاکہ جے یو آئی اپنا بیانیہ رکھتی ہے ،میدان میں موجود ہے۔ انہوںنے کہاکہ تحریک انصاف اور جییوآئی کو آگے بڑھنے سے قبل ایسے عناصر کا خاتمہ ضروری ہے۔