مختلف نمبروں سے دھمکی آمیز کالز آرہی ہیں، اداکارہ ثناء

سابقہ شوہر اور سسر کی جانب سے بھی ہراساں کیا گیا،میں پریشانی سے دوچار ہوں

منگل 10 ستمبر 2024 11:55

مختلف نمبروں سے دھمکی آمیز کالز آرہی ہیں، اداکارہ ثناء

لاہور (اُردو پوائنٹ اخبارتازہ ترین - این این آئی۔ 10 ستمبر2024ء) اداکارہ ثنا نے کہا ہے کہ انہیں مختلف نمبروں سے دھمکی آمیز کالز آرہی ہیں اور ان کی گاڑی کا پیچھا کیا جارہا ہے۔اداکارہ ثنا نے اپنے ویڈیو بیان میں کہا کہ ان کا سوشل میڈیا اکاؤنٹ بھی بند کر دیا گیا ہے، انہیں اور ان کے بچوں کو دھمکیاں دی جا رہی ہیں۔

(جاری ہے)

اداکارہ نے الزام عائد کیا کہ انہیں سابقہ شوہر اور سسر کی جانب سے بھی ہراساں کیا گیا۔

ان کا مزید کہنا تھاکہ وہ بہت اذیت میں ہیں اور پریشانی سے دوچار ہیں، وہ کسی غیر قانونی سرگرمی کا حصہ ہیں اور نہ حصہ لیناچاہتی ہیں۔انہوں نے کہا کہ وہ متعلقہ اداروں کے ذریعیقانونی چارہ جوئی کرنیجارہی ہیں، یہ اوچھے ہتھکنڈے ہیں وہ پیچھینہیں ہٹیں گی اور مقابلہ کریں گی۔خیال رہے کہ 2022 میں اداکارہ ثنا نے شادی کی14 سال بعد شوہر سے علیحدگی اختیار کرلی تھی۔