2 مرتبہ کی ورلڈکپ وننگ آسٹریلین ٹیم کے رکن اکاؤنٹنٹ کی نوکری کرنے لگے

47 سالہ فاسٹ بولر نیتھن بریکن نے 2011ء میں 1.3 کروڑ میں خریدے جانے کے باوجود آئی پی ایل کو ٹھکرا دیا تھا

ذیشان مہتاب جمعرات 12 ستمبر 2024 13:06

2 مرتبہ کی ورلڈکپ وننگ آسٹریلین ٹیم کے رکن اکاؤنٹنٹ کی نوکری کرنے لگے

سڈنی (اردو پوائنٹ تازہ ترین اخبار ۔ 12 ستمبر 2024ء ) آسٹریلیا کیلئے 2 بار ورلڈکپ جیتنے والے فاسٹ بولر نیتھن بریکن مقامی فرم میں اکاؤنٹنٹ کی نوکری کرنے لگے۔ 2003ء اور 2007ء میں ون ڈے ورلڈکپ کی فاتح آسٹریلوی ٹیم کے رُکن نیتھن بریکن مبینہ طور پر کرکٹ سے دور ہوکر اب مقامی فرم میں اکاؤنٹنٹ کی نوکری کررہے ہیں۔

(جاری ہے)

2008ء میں 47 سالہ نیتھن بریکن ون ڈے فارمیٹ میں نمبر ون بائولر بھی بننے جبکہ 2011ء میں انڈین پریمئیر لیگ (آئی پی ایل) کی فرنچائز رائل چیلنچر بنگلور نے انہیں ڈرافٹ میں 1.3 کروڑ روپے میں پِک کیا تاہم کرکٹر نے لیگ کھیلنے سے انکار کرکے دنیا کو حیران کردیا۔

2023ء میں آسٹریلوی کرکٹر نے مختصر طور پر سیاست کے میدان میں قدم رکھا اور انٹرنس الیکٹوریٹ کیلئے لبرل امیدوار کے طور پر انتخابات میں حصہ لیا تاہم کامیابی نہ سمیٹ سکے۔ گھٹنے کی انجری کے باعث نیتھن بریکن 2010ء میں کرکٹ کے کھیل سے ریٹائر ہونے پر مجبور ہوئے۔ انہوں نے آسٹریلیا کیلئے 5 ٹیسٹ اور 116 ون ڈے اور 19 ٹی ٹونٹی انٹرنیشنل میچز کھیلے اور تینوں فارمیٹس میں کُل 205 وکٹیں حاصل کیں۔