لاہور ہائیکورٹ کوالیکشن کمیشن کا نوٹیفکیشن موصول،پرنسپل سیٹ پر 5جج بطور الیکشن ٹریبونل فرائض سر انجام دیں گے

جمعہ 4 اکتوبر 2024 20:50

لاہور (اُردو پوائنٹ اخبارتازہ ترین - اے پی پی۔ 04 اکتوبر2024ء) لاہور ہائیکورٹ کوالیکشن کمیشن کا نوٹیفکیشن موصول ہوگیا،پرنسپل سیٹ پر 5جج بطور الیکشن ٹریبونل فرائض سر انجام دیں گے،پرنسپل سیٹ پر الیکشن ٹریبونل میں لاہور ہائیکورٹ کے 3موجودہ اور 2ریٹائرڈ جج شامل،پرنسپل سیٹ پر جسٹس سلطان تنویر احمد بطور الیکشن ٹریبونل کام کریں گے،جسٹس تنویر احمد حلقہ این اے 117کے ا میدواران کی اپیلوں پر سماعت کرینگے،جسٹس تنویر احمد این اے 121 ، 122 ،125، 126 اور 129 کی اپیلوں پر سماعت کریں گے،صوبائی حلقوں پی پی 145، 146، 166 ،165، 157، 156 ، 152، 153 ، 168 ، 167 کے امیدواران کی اپیلیں سنیں گے۔

جسٹس سلطان تنویر احمد ، شیخوپورہ ، ننکانہ ، سیالکوٹ کے علاوہ وزیر آباد کے قومی وصوبائی اسمبلی کے امیدواران کی اپیلوں سے متعلق بھی سماعت کرینگے،جسٹس (ر)رانا زاہد محمود بھی پرنسپل سیٹ پر بطور الیکشن ٹریبونل کام کریں گے،جسٹس (ر) رانا زاہد این اے 118 ، 119 اور 120، 124، 123، ,128،127 130 کے امیدواروں کی اپیلیں سنیں گے ۔

(جاری ہے)

جسٹس (ر) رانا زاہد پی پی 173، 170، 169،164، 163، 159، 158، 155 ،154 ،151 ، 150، 149 کے علاوہ 158، 147 اور 174 کے امیدواروں کی اپیلیں سنیں گے،جسٹس چوہدری محمد اقبال چودھری بھی پرنسپل سیٹ پربطور الیکشن ٹریبونل کام کریں گے،جسٹس چوہدری محمد اقبال،فیصل آباد ، چنیوٹ ، ٹوبہ ،حافظ آباد کے امیدواران کی اپیلیں سنیں گے،جسٹس انوار حسین بھی پرنسپل سیٹ پر بطور الیکشن ٹریبونل سماعت کریں گے،جسٹس انوار حسین ، قصور،اوکاڑہ ، ساہیوال ، پاکپتن ،وہاڑی کے امیدواران کی اپیلیں سنیں گے،جسٹس (ر)محمود مقبول باجوہ بھی پرنسپل سیٹ پر بطور الیکشن ٹریبونل سماعت کریں گے،جسٹس محمود مقبول باجوہ ، گوجرانولہ ، گجرات ، منڈی بہاوالدین ،نارووال کی اپیلیں سنیں گے،جسٹس محمد سرفراز ڈوگر ملتان بینچ میں بطور الیکشن ٹریبونل سماعت کریں گے،جسٹس (ر)ظفر اقبال بہاولپور بنچ میں بطور الیکشن ٹریبونل سماعت کریں گے،جسٹس (ر)عبدالشکور پراچہ راولپنڈی بینچ میں سماعت کریں گے۔