فیڈریشن کی غفلت ، فٹبال ٹیم روس جیسے بڑے حریف کیخلاف فرینڈلی میچ کھیلنے سے محروم ہوگئی

روس نے پاکستان کو اکتوبر کی فیفا انٹرنیشنل ونڈو میں فرینڈلی میچ کھیلنے کی پیشکش کی تھی، پی ایف ایف نے تیاری کیلئے ناکافی وقت کا جواز دیکر پیشکش قبول نہ کی

ذیشان مہتاب ہفتہ 5 اکتوبر 2024 13:20

فیڈریشن کی غفلت ، فٹبال ٹیم روس جیسے بڑے حریف کیخلاف فرینڈلی میچ کھیلنے ..

(اردو پوائنٹ تازہ ترین اخبار ۔ 5 اکتوبر 2024ء ) پاکستان فٹبال ٹیم روس جیسے بڑے حریف کیخلاف فیڈریشن کی غفلت کے باعث فرینڈلی میچ کھیلنے سے محروم ہوگئی۔روس اور پاکستان کے درمیان اکتوبر میں ممکنہ فرینڈلی میچ کیلئے مذاکرات شروع ہوئے تاہم پاکستان فٹبال فیڈریشن (پی ایف ایف) کی عدم دلچسپی کی وجہ سے بات آگے نہ بڑھ سکی۔ عالمی رینکنگ میں 195 پر موجود پاکستان کے پاس 34 ویں رینک کی ٹیم روس سے کھیلنے اور کھلاڑیوں کے سیکھنے کا موقع تھا تاہم غلفت نے فٹبال ٹیم کو محروم کر دیا۔

ذرائع کے مطابق روس نے پاکستان کو اکتوبر کی فیفا انٹرنیشنل ونڈو میں ایک فرینڈلی میچ کھیلنے کی پیشکش کی تھی، جس کے تمام اخراجات روسی فٹبال فیڈریشن کو برداشت کرنا تھے۔ روس میں ہونے والے اس میچ کیلئے 11 اکتوبر کی تاریخ تجویز کی گئی تھی لیکن پاکستان فٹبال فیڈریشن نے تیاری کیلئے ناکافی وقت کا جواز دیتے ہوئے اس پیشکش کو قبول نہ کیا۔

(جاری ہے)