Live Updates

جوبائیڈن، نیتن یاہو کے درمیان ایران پرحملے کے منصوبے پر50 منٹ مشاورت

جمعرات 10 اکتوبر 2024 22:01

مقبوضہ بیت المقدس(اُردو پوائنٹ اخبارتازہ ترین - آن لائن۔ 10 اکتوبر2024ء) امریکی صدر جو بائیڈن اور اسرائیلی وزیراعظم نیتن یاہو نے ایران پر حملے سے متعلق 50 منٹ تبادلہ خیال کیا۔اسرائیلی حکام مطابق امریکی صدر جو بائیڈن نے اسرائیلی وزیر اعظم بنجمن نیتن یاہو سے 50 منٹ فون کال پر بات کی اور ایران پر جوابی حملہ کرنے کے اسرائیلی منصوبوں پر تبادلہ خیال کیا۔

(جاری ہے)

امریکی وقت کے مطابق بدھ کی صبح ہونے والی یہ کال اگست کے بعد دونوں رہنماؤں کے درمیان پہلی معلوم بات چیت ہے۔ ٹیلی فونک گفتگو اس وقت کی گئی جب اسرائیل، ایران اور حزب اللہ کے درمیان جنگ بندی کے معاہدے تک پہنچنے کا کوئی امکان نظر نہیں آرہا بلکہ تنازع میں تیزی سے اضافہ ہو رہا ہے۔مشرق وسطیٰ لبنان میں اسرائیلی فوج کی بڑھتی ہوئی دہشت گردی کے جواب میں ایران نے اسرائیل پر گزشتہ ہفتے میزائل حملے کیے تاہم ان حملوں میں کوئی جانی نقصان نہیں ہوا تھا۔ امریکا نے ان حملوں کو غیرموثر قراردیا تھا۔