چیف ایگزیکٹو لیسکو انجینئر شاہد حیدر کی زیر صدارت اجلاس ،جاری مرمتی کاموں کو جلداز جلد مکمل کرنے کی ہدایت

جمعہ 25 اکتوبر 2024 17:06

لاہور (اُردو پوائنٹ اخبارتازہ ترین - اے پی پی۔ 25 اکتوبر2024ء) لاہور الیکٹرک سپلائی کمپنی (لیسکو) ہیڈکوارٹر میں چیف ایگزیکٹو لیسکو انجینئر شاہد حیدر کی زیر صدارت اجلاس ہوا،جس میں ریجن بھر میں جاری مرمتی کاموں کو جلداز جلد مکمل کرنے اور لائن سٹاف کی حفاظت کو یقینی بنانے کے لیے اقدامات پر غور کیا گیا۔

(جاری ہے)

اس موقع پرلیسکو چیف انجینئر شاہد حیدر نے متعلقہ چیف انجینئرز کو ہدایت کی کہ لائنز پر جاری مرمتی کاموں کی خود نگرانی کریں،ڈائریکٹر سیفٹی کو ہدایت کی گئی کہ سیفٹی ایس او پیز پر عملدرآمد یقینی بنایا جائے۔

ترجمان لیسکو کے مطابق اجلاس میں لیسکو چیف کے علاوہ ڈائریکٹر ایچ آر ضمیر حسین کلاچی،چیف فنانس آفیسر بشری عمران،ڈائریکٹر کسٹمر سروسزسرور مغل،ڈائریکٹر ایڈمن معصومہ عادل،چیف انجینئر آپریشنزعباس علی،چیف انجینئرپی آئی یو اعجاز بھٹی،چیف انجینئر پی ایم یو شعیب عاصم،چیف انجینئر ٹی اینڈ جی ظفر اقبال،کمپنی سیکرٹری گوہر ایوب،ڈائریکٹر ایس اینڈ آئی اصغر سکھیرا،ڈائریکٹر کمپلینٹ سیل رانا رضوان صبغت اللہ اور ڈائریکٹر سیفٹی فواد خالد شریک تھے۔