Live Updates

موسمیاتی تبدیلی سے نمٹنے کیلئے پاکستان کو آئی ایم ایف سے 70کروڑ ڈالر ملنے کا امکان

منگل 29 اپریل 2025 19:35

اسلام آباد(اُردو پوائنٹ اخبارتازہ ترین - این این آئی۔ 29 اپریل2025ء)عالمی مالیاتی ادارے (آئی ایم ایف)کی جانب سے موسمیاتی تبدیلی سے نمٹنے کے لیے پاکستان کو تقریبا 70کروڑ ڈالر ملنے کا امکان ہے۔آئی ایم ایف حکام کے مطابق ایگزیکٹو بورڈ کا اجلاس 9 مئی کو ہوگا جس میں پاکستان کو قرض پروگرام کی اگلی قسط جاری کرنیکے لیے مشن کی سفارشات کاجائزہ لیا جائے گا۔

(جاری ہے)

ذرائع کے مطابق ایگزیکٹو بورڈ کی طرف سے سفارشات کی منظوری کی صورت میں اگلی قسط کی رقم 12 مئی تک پاکستان کو مل جائے گی۔آئی ایم ایف حکام کے مطابق موسمیاتی تبدیلی کیاثرات سے نمٹنے کے لیے رقم کی پہلی قسط جاری کرنے کی منظوری بھی اجلاس میں زیر بحث آئے گی۔اس حوالے سے ذرائع نے بتایا کہ اگر موسمیاتی تبدیلی سے نمٹنے کے لیے رقم کی منظوری ہوئی تو پاکستان کو تقریبا 70کروڑ ڈالر ملنے کا امکان ہے۔واضح رہے کہ پاکستان کا دورہ کرنے والے وفد نے آئی ایم ایف پروگرام کے تحت پاکستان کو اگلی قسط کے تحت 1.1ارب ڈالر فراہم کرنے کی سفارش کر رکھی ہے۔