لیسکونے انتظامی معاملات کو بہتر بنانے کیلئے بائیومیٹرک حاضری سسٹم نصب کردیا

جمعہ 1 نومبر 2024 20:22

لاہور (اُردو پوائنٹ اخبارتازہ ترین - اے پی پی۔ 01 نومبر2024ء) لاہور الیکٹر ک سپلائی کمپنی(لیسکو) نے انتظامی معاملات کو بہتر بنانے کے لیے بائیومیٹرک حاضری سسٹم نصب کردیا ۔چیف ایگزیکٹو لیسکو انجینئر شاہد حیدر کی زیر صدارت اجلاس ہوا، جس میں لیسکو کے انتظامی معاملات کو مزید بہتر بنانے کے لیے مختلف پہلوؤں پر غور کیا گیا۔ اس موقع پر گفتگو کرتے ہوئے انجینئر شاہد حیدر کا کہنا تھا کہ افسران اور عملے کی حاضری کو یقینی بنانے کے لیے بائیو میٹرک سسٹم فعال کر دیا گیا ہے،افسران اس بات کو یقینی بنائیں کہ ان کا ماتحت عملہ صبح 8:30 بجے دفترآئے اور بائیومیٹرک حاضری لگائے،اسی طرح 4:30 بجے دفتر سے روانہ ہوتے ہوئے بھی حاضری لگائیں۔

چیف ایگزیکٹو لیسکو کا کہنا تھا کہ ان ہدایات پر سختی سے عمل کروایا جائے، کوتاہی کا مظاہرہ کرنیوالوں کے خلاف سخت کارروائی عمل میں لائی جائے گی۔

(جاری ہے)

اجلاس میں ڈائریکٹر ایچ آر ضمیر حسین کلاچی،چیف فنانس آفیسر بشری عمران،ڈائریکٹر کسٹمر سروسز محمد سرور مغل،ڈی جی ایڈمن معصومہ عادل، چیف انجینئر آپریشن عباس علی،چیف انجینئر پی اینڈ ڈی ظفر محمود،کمپنی سیکرٹری گوہر ایوب،چیف لا آفیسر بدر یاسین، ڈائریکٹر اینٹی تھیفٹ شاہد اقبال، منیجر ایس اینڈ آئی اصغر سکھیرا، ڈائریکٹر کمپلینٹ سیل رانا رضوان صبغت اللہ اور ڈائریکٹر کمرشل طاہر ندیم موجود تھے۔