فوک گلوکار منصور ملنگی کی دسویں برسی کل منائی جائے گی

منگل 10 دسمبر 2024 12:47

لاہور (اُردو پوائنٹ اخبارتازہ ترین - اے پی پی۔ 10 دسمبر2024ء) معروف فوک گلوکار منصور ملنگی کی دسویں برسی(کل)11دسمبر بدھ کو منائی جائے گی۔منصور ملنگی یکم جنوری1947 کو ضلع جھنگ کے علاقہ گڑھ مہاراجہ میں پیدا ہوئے ۔ان کے والد پٹھان علی سارنگی نواز تھے اس لیے گلوکاری کا شوق منور ملنگی کو وراثت میں ہی ملا۔ منصور ملنگی نے نو عمری سے ہی گلوکاری کا آغاز کر دیا تھا ۔

(جاری ہے)

منصور ملنگی کا پہلا گانا 1965 کو ریڈیو پاکستان پر نشر ہوا،ا س وقت ان کی عمر 18برس تھی لیکن منصور ملنگی کو پہلی مرتبہ شہرت اس وقت حاصل ہوئی جب انہوں نے 1974 میں سرائیکی زبان کا مشہور گانا ایک پھل موتیے دا مار کے جگا سوہنیے گایا ۔منصور ملنگی میں یہ خوبی تھی کہ وہ اپنے گانوں کی شاعری بھی خود کرتے تھے اور ان کی دھنیں بھی ترتیب دے لیا کرتے تھے۔منصور ملنگی نے دیگر صوفیا کا کلام گا کر بھی بے پناہ شہرت حاصل کی ۔منصور ملنگی 11دسمبر 2014 کو اس جہان فانی سے رخصت ہو گئے۔ انہیں ان کے آبائی علاقہ گڑھ مہاراجہ ضلع جھنگ میں سپردخاک کیا گیا تھا۔

Facebook Twitter Google + Share on Whatsapp

فوک گلوکار منصور ملنگی کی دسویں برسی کل منائی جائے گی

متعلقہ عنوان :

مزید فن و فنکار کی خبریں